Astana – Temirtaý tasjolynda birneshe jol apatyn JI kameralary tirkedi
ASTANA. KAZINFORM — Astana — Temirtaý avtojolynda jasandy ıntellekt elementteri bar kameralar birneshe jol-kólik oqıǵasyn tirkedi.
Beınejazbalardan bir baǵytta qozǵalyp kele jatqan kólikterdiń soqtyǵysqany kórýge bolady. Keıbir júrgizýshiler joldaǵy jaǵdaıǵa der kezinde áreket ete almaı, alda kele jatqan kólikterge soǵylǵan.
«QazAvtoJoldyń» málimetinshe, júrgizýshilerdiń joldaǵy jaǵdaıǵa nazar aýdarmaýyna qalǵyp ketý, sharshaý nemese smartfonǵa alańdaý sebep bolýy múmkin. Jol apattarynyń naqty sebepteri men mán-jaıyn quzyrly organdar anyqtap jatyr.
Tirkelgen jol-kólik oqıǵalarynan qaza tapqandar joq.
Ulttyq kompanııa júrgizýshilerdi kólik júrgizý kezinde smartfon paıdalanbaýǵa jáne uıqy qysqan nemese sharshaǵan jaǵdaıda joldy jalǵastyrmaýǵa úndedi.
Eske salaıyq, buǵan deıin respýblıkalyq trassalarda «QazAvtoJoldyń» tehnıkalyq kómek pıkaptary jumysyn bastaǵanyn jazǵanbyz.
