«Astana-Temirtaý» jáne «Almaty-Qapshaǵaı» tasjolynyń qurylysy 2017 jyly salynyp bitpek

ASTANA. QazAqparat - "Astana-Temirtaý" jáne "Almaty-Qapshaǵaı" tasjolynyń qurylysy 2017 jyly salynyp bitpek. Bul týraly búgin Ortalyq kommýnıkatsııalar qyzmetinde ótken brıfıngte QR Kólik jáne kommýnıkatsııa mınıstri Jeńis Qasymbek málim etti.

"Astana-Temirtaý" jáne "Almaty-Qapshaǵaı" tasjolynyń qurylysy 2013 jyly bastaldy. Bıyl qurylys jumystary jol baǵytynyń barlyq ýchaskelerinde júredi jáne alǵashqy 22 shaqyrym jol paıdalanýǵa beriledi. "Astana-Temirtaý" jáne "Almaty-Qapshaǵaı" tasjolynyń qurylysy tolyǵymen 2017 jyly aıaqtalady dep josparlanǵan", - dedi mınıstr.

Onyń sózine qaraǵanda, bıyl 298 shaqyrymdyq Beıneý-Shetpe jol ýchaskesiniń 240 shaqyrymy paıdalanýǵa beriledi. Jáne 2014 jyldan bastap Aqtaý-Shetpe jolynyń qurylysy bastalady.