«Astana-Temirtaý» men «Almaty-Qapshaǵaı» avtojoldary aqyly bolýy múmkin - J. Qasymbek
ASTANA. QazAqparat - «Astana-Temirtaý» men «Almaty-Qapshaǵaı» avtojoldary jýyq arada aqyly bolýy múmkin. Bul týraly búgin Ortalyq kommýnıkatsııalar qyzmetinde ótken brıfıngte QR Investıtsııalar jáne damý mınıstrliginiń birinshi vıtse-mınıstri Jeńis Qasymbek málim etti.
«Birinshi jáne ekinshi sanattaǵy avtojoldardy qalypta ustaýǵa qarjy tapshylyǵyn joıý maqsatynda biz respýblıkalyq joldardyń keı bólikterin aqyly qylýdy josparlap otyrmyz. Osy jospar boıynsha respýblıkalyq joldardyń shamamen 30%-yn aqyly qylý qarastyrylǵan. Bul joldarǵa qozǵalysy tyǵyz jáne ózin ózi aqtaı alatyn «Astana-Temirtaý», «Astana-Pavlodar», «Almaty-Qapshagaı» avtojoldary jatqylyp otyr», - dedi J.Qasymbek.
Mundaı tájirıbeniń nátıjeli mysaly retinde birinshi vıtse-mınıstr «Astana-Şýche» jolyn atap ótti. Ol jylyna memleket bıýdjetine mıllıardtaǵan qarjy túsirýde.
«Atalǵan jol boıynsha bıyldyń ózinde 1,2 mlrd. - 1,3 mlrd. teńge qarajat túsedi dep josparlanyp otyr. Bul qarjy joldy júz paıyz jaramdy deńgeıde ustap otyrýǵa múmkindik beredi», - dedi ol.
