Astana temir jol vokzalyndaǵy jaǵdaıǵa baılanysty kináliler jaýapqa tartyldy - QTJ
ASTANA. QazAqparat - Astana stansasy temir jol vokzalyndaǵy eskalator jumysynda aqaý shyǵyp, jolaýshylar densaýlyǵyna zııan keltirgeni úshin kináliler jaýapqa tartyldy dep habarlady QTJ baspasóz qyzmetinen.
Ulttyq kompanııa baspasóz qyzmetiniń habarlaýynsha, 20 tamyz kúni Astana temir jol vokzalyndaǵy №7 eskalatorǵa shamadan tys kúsh túskendikten avtomatty túrde tejelip, keri jyljyǵan. Nátıjesinde eki jolaýshy jaraqattandy.
«Vokzal-qyzmet» AQ qyzmettik tekseris júrgizip, atalǵan oqıǵaǵa sebep bolǵan kinálilerdi jaýapqa tartty. «2015 jyly Astana temir jol vokzalyna josparlanǵan kúrdeli jóndeý jumystaryn júrgizý barysynda eskalatorlardy jańartý kózdelgen» delingen habarlamada.
2012-2013 jyldar aralyǵynda respýblıkada 102 vokzal ǵımaratyna kúrdeli jóndeýden ótken bolsa, aǵymdaǵy jyly 36 vokzalǵa júrgizilip jatqan kúrdeli jóndeý jumystaryn aıaqtaý kózdelgen.
