«Astana» telearnasynda avtoáýesqoılar úshin «Qaýipsiz jol» baǵdarlaasy ashyldy
ASTANA. 19 qyrkúıek. QazAqparat - /Gúlmıra Álıakparova/ - Qazaqstan Respýblıkasynyń ІІM Jol polıtsııasy komıtetiniń bastamasy boıynsha «Astana» telearnasynda «Qaýipsiz jol» baǵdarlamasy paıda boldy - bul elimizdiń joldarynda ne bolyp jatqany týraly alǵashqy aqparattyq baǵdarlama, dep habarlady QR ІІM Jol polıtsııasy komıtetiniń baspasóz qyzmeti.
20 mınýttyq paıdaly aqparat tek avtomobılıster úshin ǵana emes, sondaı-aq jol qozǵalysynyń barlyq qatysýshylary úshin arnalǵan. Baǵdarlama apta saıyn demalys kúnderi eki tilde shyǵady jáne bizdiń teledıdardaǵy basqa baǵdarlamalardan ózgeshe formatymen erekshelenedi.
ІІM Jol polıtsııasy komıtetiniń tóraǵasy B. Bısenqulov atap ótkendeı: «Bul baǵdarlamada biz málimetterdi daǵdyly JKO bolǵan jerlerden, áldeqandaı qorqynyshty oqıǵalardy jáne t.s. túsirip kórsetýden bas tarttyq. Baǵdarlamada tanymdyq sıpat bar, jaıaý júrginshiler, jolaýshylar jáne júrgizýshiler úshin teledıdarlyq kórneki quraldyń formaty bar. Kórermenderdi kórneki keńester, test-draıvter, jańalyqtar, jol ústinde qıyn jaǵdaılar týyndaǵan kezde ózin qalaı ustaý kerek ekenine úıretýdi qarastyrady. Bizdiń baǵdarlama qazaqstandyq telekórermender arasynda óz kórermenderin tabatynyna úmittenemin».
Baǵdarlamada «Basty týraly ózektilik», «Ony bilý qajet», «Joldarda turý», «Óziniń basynan keshirgeni» jáne t.b. birneshe turaqty aıdarlar josparlanǵan. Oǵan Qazaqstannyń sport jáne shoý-bıznes juldyzdaryn shaqyrý josparlanǵan.
Sonymen qatar, budan buryn habarlanǵandaı, aǵymdaǵy jyldyń qyrkúıeginen bastap elimizdiń teleekrandarynda jol qozǵalysy qaýipsizdigi boıynsha beınerolıkterdi translıatsııalaýdy bastady, al 2012 jyly Jol polıtsııasy komıteti balalardy jolda qaýipsiz tártipke baǵyttalǵan anımatsııalyq fılmdi efırge berýge daıyndaýdy josparlaýda.
Jol polıtsııasy komıtetinde atap ótkendeı, osy sııaqty profılaktıkalyq is-sharalardy iske asyrý bizdiń joldardy qaýipsiz etýge jáne apattylyqty edáýir tómendetýge múmkindik beredi.
