«Astana» telearnasyn burynǵy QR baılanys jáne aqparat vıtse-mınıstri Lázzat Tanysbaı basqardy

Jańa basshyny telearna ujymyna búgin «Nur-Medıa» holdınginiń bas dırektory Erjan Baıjanov tanystyrdy.

Lázzat Muratqyzy Tanysbaı 1973 jyly 11 qazanda týǵan. Almaty halyqaralyq jýrnalıstıka ınstıtýtyn bitirgen.

Eńbek jolyn 1993 jyly Qazaq respýblıkalyq televızııasynda - «Qazaqstannyń televıdenıesi men radıosy» respýblıkalyq korporatsııasynda redaktor bolyp bastady. 1994-1996 jyldary - «Qazaqstannyń televıdenıesi men radıosy» respýblıkalyq korporatsııasynyń Ulttyq televızııalyq jáne aqparattyq agenttiginiń reportajshysy, júrgizýshisi boldy.

1996-2001 jyldary - «Habar» agenttigi respýblıkalyq memlekettik kásiporny jańalyqtar qyzmetiniń redaktor-júrgizýshisi. 2001-2002 jyldary - «Habar» agenttigi» JAQ Astana qalasyndaǵy ortalyq bıýrosynyń atqarýshy prodıýseri.

2002-2003 jyldary - Qazaqstan Respýblıkasy Prezıdenti Ákimshiligi baspasóz qyzmetiniń bas sarapshysy. 2003-2004 jyldary - Qazaqstan Respýblıkasy Prezıdenti Ákimshiligi baspasóz qyzmetiniń sektor meńgerýshisi.

2004-2005 jyldary - Qazaqstan Prezıdenti baspasóz qyzmetiniń sektor meńgerýshisi. 2005 jyly - Qazaqstan Respýblıkasy Prezıdenti baspasóz qyzmetiniń bas ınspektory.    

2005 jylǵy qyrkúıekten - Qazaqstan Respýblıkasy mádenıet, aqparat jáne sport mınıstrliginiń Aqparat jáne muraǵattar komıteti tóraǵasynyń orynbasary. 2006 jylǵy naýryzdan 2008 jylǵy qazanǵa deıin - Qazaqstan Respýblıkasy mádenıet jáne aqparat mınıstrliginiń Aqparat jáne muraǵattar komıteti tóraǵasynyń orynbasary.

2008 jylǵy 17 qazannan 2011 jylǵy 4 qarashaǵa deıin - «Qazaqstan» Respýblıkalyq teleradıokorporatsııasy AQ basqarma tóraǵasynyń birinshi orynbasary. 2011 jylǵy 4 qarashadan bastap - QR baılanys jáne aqparat vıtse-mınıstri.

Telearnanyń burynǵy basshysy Qaısar Jańahanov basqa jumysqa aýysýyna baılanysty bul qyzmetten bosatyldy.