Astana teatrynyń 21 maýsymy ashylady
ASTANA. 30 qyrkúıek. QazAqparat. Astana teatrynyń 21 maýsymy ashylady. Ol ádettegideı M.Áýezovtyń shyǵarmasy boıynsha QR eńbek sińirgen qaıratkeri Álimbek Orazbekovtyń rejısserlyǵymen qoıylǵan «Abaı» tragedııasymen bastalady, dep habarlaıdy teatrdyń baspasóz qyzmeti.
Astanalyq qazaq teatry elimizdiń táýelsizdigimen qurdas. Bıyl qazaq teatry 20 jyldyq mereıtoıyn atap ótedi.
Teatrdyń qalyptasqan dástúri boıynsha jańa maýsym qarsańynda shyǵarmashylyq ujym frantsýz dramatýrgi Jan-Marı Shevreniń «Іzgilik formýlasy» atty komedııasynyń premerasyna daıyndyq jumystaryn bastap ketti. J.M. Shevreniń «Squat» atty shyǵarmasy alǵash ret 2000 jyly Parıj teatrynda qoıylǵan. «Squat» aǵylshyn tilinen aýdarǵanda bos turǵan úıdi zańsyz ıelený degen maǵynany bildiredi eken. Atalmysh komedııa Parıj qalasynyń teatrynda 2000-2001 jyldary 350 ret oınalǵan. Osy jyldary kórkemdik mańyzdylyǵy men kótergen ıdeıasynyń kókeıkestiligi, gýmanıstik kózqarasta ulttar arasyndaǵy qarym-qatynas taqyrybyn erekshe qamtyǵany úshin BUU-nyń halyqaralyq syılyǵyna ıe bolǵan.
Shyǵarmanyń negizgi oıy - bir qalada óz baqyttaryn izdep júrgen ártúrli ult ókilderiniń hıkaıaǵa toly bastan keshken oqıǵalaryn sýretteıdi. Súıispenshilik pen meıirimdilik, adam janyna izgilikti izdegen komedııa óz kórermenderine tyń oıdy kókseıdi. Qoıylymnyń premerasy qarasha aıynyń ortasyna josparlanǵan.
Sondaı-aq jaqynda ǵana Qazaqstan Respýblıkasy Táýelsizdiginiń 20 jyldyǵyna arnalǵan Mádenıet mınıstrliginiń qoldaýymen 25 qyrkúıek pen 1 qazan aralyǵynda Almaty qalasynda HІH Respýblıkalyq teatrlar festıvali ótti. Astanalyq Q.Qýanyshbaev atyndaǵy qazaq mýzykalyq drama teatry Erkin Jýasbektiń «ANTIVIRÝS» atty komedııasymen qatysyp baqtaryn synady. Qoıylymnyń rejısseri - QR eńbek sińirgen qaıratkeri Bolat Uzaqov. Túımehan Atymtaeva «Úzdik aktrısa» atandy.
