Astana teatrynda frantsýz komedııasy qazaq tilinde usynylmaq
ASTANA. QazAqparat - 2019 jyldyń 8-9 aqpan kúnderi Astana qalasynyń komedııa teatrynda Mark Kamolettıdiń «Merekelik menıý» qoıylymynyń premerasy ótedi.
«Spektakldegi oqıǵalardyń kútpegen burylystary, shyr aınaldyrar ıntrıga men tartysty sıýjet akterlerdiń mindetterin qıyndatqanmen, olarǵa mahabbat, qumarlyq, qyzǵanysh, adaldyq, satqyndyq sezimderin kórsetýge tamasha múmkindik beredi», - delingen teatrdyń aqparat ortalyǵy taratqan habarlamada.
Týyndy avtory - frantsýz dramatýrgy Mark Kamolettı. Qazaq tiline aýdarǵan - Lázzat Alpysbaeva. Spektakldiń qoıýshy rejısseri - Qazaqstannyń eńbek sińirgen qaıratkeri Saılaý Qamıev, al qoıýshy sýretshisi - Alma Syrbaeva. Baletmeıster - Anel Myrzagýlova. Dybys rejısseri - Ernur Balapanov.Basty rolderdi Aqbota Makejanova, Altynaı Qojahmetova, Álı Bıdahmet, Nurjan Asylhan, Álı Jarasuly, Ǵanı Berdenbetov jáne basqa akterlar somdaıdy. Komedııa NOMAD CITY HALL kontsert zalynda qoıylady.
Aıta keteıik, Astana qalalyq komedııa teatry 2018 jyldyń jeltoqsan aıynda ashylǵan bolatyn. Óner ujymy brıtan dramatýrgy Maıkl Freınniń «Teatr 180ᵒ» komedııasyn teatrsúıer qaýym nazaryna alǵash usynǵan edi.
Mark Kamolettı - belgili frantsýz dramatýrgy, 18 pesanyń avtory. Onyń spektakli shetelde eń kóp sahnalanǵan týyndy retinde Gınnestiń rekordtar kitabyna engen.
