Astana Team veloshabandozy «Djıro d’Italııa» kezeńinde úzdik úshtikke endi
ASTANA. KAZINFORM – XDS Astana Team shabandozy Dıego Ýlıssı áıgili «Djıro d’Italııa» kópkúndik velojarysynyń 11-kezeńinde úshinshi oryn aldy, dep habarlaıdy Kazinform.
Uzyndyǵy 195 shaqyrym bolatyn kezeń Porkarı qalasynan bastalyp, Kıavarı qalasynda máresine jetti.
Kezeń jeńimpazy atanǵan – UAE Team Emirates XRG komandasynyń ekvadorlyq shabandozy Djonatan Narvaes. Ekinshi bolyp Movistar Team sapyndaǵy ıspanııalyq Enrık Mas keldi.
Qazaqstandyq komandanyń taǵy bir ókili Krıstıan Skaronı kezeńdi altynshy orynmen aıaqtady.
11-kezeń qorytyndysy boıynsha XDS Astana Team komandalyq esepte kóshbasshylyqty saqtap qaldy.
Al jalpy esepte 11 kezeńnen keıin Bahrain Victorious komandasynyń portýgalııalyq veloshabandozy Afonsý Eýlalıý alda keledi.
Aıta keteıik, XDS Astana Team sportshylary bıylǵy «Djıro d’Italııa» jarysynda sátti óner kórsetip jatyr. Buǵan deıin Davıde Ballerını kópkúndiktiń altynshy kezeńinde jeńiske jetken bolatyn.
Sonymen qatar Tomas Sılva jarystyń ekinshi kezeńinde top jaryp, eki kún boıy kóshbasshynyń qyzǵylt jeıdesin ıelendi. Ol buǵan deıin de «Djıro d’Italııanyń» besinshi kezeńinde úshinshi oryn alyp, júldegerler qataryna engen edi.
Buǵan deıin Almatyda 200-den astam adam velosherýge qatysty.
