«Astana-Tazalyq» JShS qysta elorda joldarynda qozǵalys máselesinde esh qıyndyq týmaıtynyna ýáde etýde
ANA. Qarashanyń 5-i. QazAqparat /Gúlmıra Álıakparova/ - Astana joldarynyń tazalyǵyn qamtamasyz etetin «Astana-Tazalyq» JShS qysqy maýsymǵa saqadaı-saı daıyn otyr.
Bul týraly búgin atalmysh kásiporynnyń óndiris jónindegi dırektorynyń orynbasary Serik Jolymbetov málim etti, dep habarlaıdy QazAqparat.
QR Tótenshe jaǵdaılar mınıstrligi qarashanyń 3-5-i kúnderi ótkizip otyrǵan «Qys-2009» respýblıkalyq komandalyq-shtabtyq oqýlary aıasynda, búgin mınıstrliktiń Astana qalasy boıynsha departamenti memlekettik mekemeler men tótenshe jaǵdaılar qyzmetteriniń qysqy maýsymǵa daıyndyq jaǵdaılaryna tekseris júrgizdi.
Búgingi kúni «Astana-Tazalyq» JShS-da Astana kósheleri men joldaryn kir-qoqystan tazartýǵa arnalǵan 320 tehnıka bar. Onyń 257-si - qysqy maýsymǵa arnalǵandar. Atap aıtqanda, shalshyqtar men qoqysty tazalaýǵa arnalǵan biriktirilgen qurylǵylar - 46, qum shashatyn - 9, Unimog ámbebap máshıneleri - 29, avtogreıderler - 32, qardy ózdiginen tıeýge arnalǵan tehnıkalar - 34, frontaldy tıeýshiler - 20, traktorlar, KamAZ jáne ZIL júk kólikteri 78 bolyp otyr.
Sondaı-aq kóktaıǵaq kezinde avtojoldarǵa sebiletin tuz ben qumnyń qospasy ázirlenip, qala syrtynda qardy laqtyrýǵa arnalǵan úsh beket belgilengen.
S.Jolymbetovtyń aıtýynsha, qar mol jaýǵan kúnderi jol boıynda keptelisterdi boldyrmaý maqsatynda kúndiz jáne túngi aýysymdarda eńbek etetin brıgadalardy jumys oryndarynda tamaqtandyrý úshin ashana táýlik boıy jumys isteıtin bolady. Jumystardyń jedeldigi úshin avtotehnıkany basqarýshy ár júrgizýshi qalalyq nómirge qosylǵan telefonmen qamtamasyz etilgen.
