Astana Táýelsizdiktiń 35 jyldyǵyna qalaı daıyndalyp jatyr

ASTANA. KAZINFORM – Elordada Qazaqstan Respýblıkasy Táýelsizdiginiń 35 jyldyǵyna daıyndyq jumystary jalǵasyp jatyr. Qala kóshelerine memlekettik týlar men taqyryptyq bannerler ilinip, ǵımarattardyń qasbetteri men LED-ekrandarda merekelik beıneler kórsetile bastady, dep habarlady Astana qalasynyń ákimdigi.

o
Foto: Astana ákimdigi

Merekelik bezendirý jumystary qalanyń birneshe aýmaǵyn qamtydy. Táýelsizdiktiń 35 jyldyǵyna arnalǵan taqyryptyq beınerolıkter qalalyq 3D LED-ekranda, sholý dóńgeleginde, «Qazaqstan temir joly» UK» AQ ǵımaratynyń qasbetinde jáne basqa da nysandarda kórsetilip jatyr.

r
Foto: Astana ákimdigi

Elordanyń saýda ortalyqtary da merekelik daıyndyqqa atsalysýda. Olardyń ishki LED-ekrandarynan Qazaqstannyń táýelsizdigine arnalǵan beınerolıkter kórsetilýde.

– Astanada Qazaqstan Respýblıkasy Táýelsizdiginiń 35 jyldyǵyna oraı merekelik bezendirý jumystary júrgizilip jatyr. Aıtýly data qarsańynda elorda kóshelerine memlekettik týlar men taqyryptyq bannerler ilinip, ǵımarattardyń qasbetteri men LED-ekrandarda merekelik beıneler kórsetile bastady, – delingen ákimdik aqparatynda.

a
Foto: Astana ákimdigi

Aıta keteıik, Qazaqstan Respýblıkasy 2026 jylǵy 16 jeltoqsanda Táýelsizdiginiń 35 jyldyǵyn atap ótedi.

a
Foto: Astana ákimdigi

Buǵan deıin Táýelsizdiktiń 35 jyldyǵyna oraı Qazaqstannyń ózge óńirlerinde de merekelik bezendirý jumystary bastalǵany habarlanǵan edi. Atap aıtqanda, Qyzylorda, Jetisý, Qaraǵandy, Shyǵys Qazaqstan jáne Aqmola oblystarynda qoǵamdyq oryndar men ǵımarattarǵa merekelik beıneler ornalastyrylyp jatyr.