Astana táýelsiz Qazaqstannyń maqtanyshyna, onyń gúldenýi men álemdik arenada ornyǵýynyń sımvoly - Q.Mámı
ASTANA. 3 shilde. QazAqparat - QR Parlamenti Senatynyń tóraǵasy Qaırat Mámı óziniń blogynda qazaqstandyqtardy Astana kúnimen quttyqtady.
«Qymbatty qazaqstandyqtar, sizderdi elorda kúnimen shyn júrekten quttyqtaımyn!
Astana - Prezıdent Nursultan Nazarbaevtyń perzenti, ol táýelsiz Qazaqstannyń maqtanyshyna, onyń gúldenýi men álemdik arenada ornyǵýynyń sımvolyna aınaldy.
Búginde eldiń bas qalasy qýatty ekonomıkalyq lokomotıv bolyp tabylady, munda memlekettiń zııatkerlik áleýeti shoǵyrlanǵan.
Bolashaqqa umtylǵan Qazaqstannyń elordasy - Astana álemniń eń ádemi qalalarynyń qataryna kiredi, keıingi búkil urpaqtyń súıikti qalasy bolady dep senemin.
Elorda kúni qutty bolsyn, qurmetti qazaqstandyqtar!», - delingen quttyqtaý mátininde.
