Astana - Táýelsiz Qazaqstan jetistikteriniń kýási - FOTO
ASTANA. QazAqparat - Astana búginde Táýelsiz Qazaqstan jetistikteriniń kýási. Bul týraly QR Parlamenti Senatynyń depýtaty Sársenbaı Eńsegenov QR Ulttyq akademııalyq kitaphanasynda ashylǵan elordanyń 16 jyldyǵyna arnalǵan "Bıik qala, bekzat qala, baq qala" kitap-sýret kórmesinde aıtty.
"Búgingi tańda elorda halyqaralyq deńgeıde saıası jáne mádenı ortalyq retinde tanymal boldy. Munyń bári Memleket basshysy júrgizgen saıasattyń nátıjesi", - dep atap kórsetti senator.
Kórme ekspozıtsııasy birneshe bólimderden turady. Mysalǵa, "Elorda sáýletshileri" bólimi Astanany salý tarıhyndaǵy jáne eldordanyń gúldenýindegi, ekonomıkasyn, ınfraqurylymyn damytýdaǵy QR Tuńǵysh Prezıdentiniń zor róli týraly baıandaıdy. "EHRO-2017 - Álem tanyǵan uly qala" bóliminde Astananyń halyqaralyq arenadaǵy róli jáne "EHRO-2017" halyqaralyq kórmesine ázirlik aýqymynda júrgizilip jatqan jumystar týraly aqparat usynylǵan. "Astana - shabytym meniń" bóliminde oqyrmandar Astana týraly ánder men óleńder kirgen belgili jáne jas aqyndardyń shyǵarmalary jınaqtarymen, elordanyń mádenı mekemeleri týraly kitaptarmen tanysa alady.
Kórmeniń ashylýyna QR Parlamentiniń depýtattary, elordanyń qoǵamdyq jáne ǵylymı qaýymy, "Nur Otan" partııasynyń ókilderi, "Astanabasjospar" qyzmetkerleri, Memlekettik syılyqtardyń laýreattary shaqyryldy.
Sharany uıymdastyrýshylardyń aıtýynsha, kórmeniń negizgi mindetteri - oqyrmandardy Astanaǵa jáne eldiń Tuńǵysh Prezıdenti N.Nazarbaevqa, jas urpaqty adamgershil-patrıottyq rýhta tárbıeleýge arnalǵan QR Ulttyq akademııalyq kitaphanasynyń kitaptarymen jáne elektrondyq qorymen tanystyrý.
