Astana tasqyn sýdan qalaı qorǵalyp jatyr
ASTANA. QazAqparat - Elorda ákimdiginiń ókilderi sý tasqynyn boldyrmaý jóninde jumystardy tanystyrdy, dep habarlaıdy QazAqparat.
«Astana ákimi Áset Isekeshev 2018 jyly elorda aýmaǵyna tasqyn sýdy ótkizý boıynsha keshendi jospar bekitildi. Josparǵa sáıkes, sý basýy yqtımal 27 ýchaske aıqyndaldy. Onyń árbirine baılanysty atqarylatyn jumystar men qajetti materıaldar jáne qarjylandyrý kólemi pysyqtaldy», - dep toqtaldy Astana qalasynyń Otyn-energetıkalyq kesheni jáne kommýnaldyq sharýashylyq basqarmasy basshysy orynbasarynyń mindetin atqarýshy Igor Alekseev.
Osy oraıda ol negizgi sharalar Astana sý qoımasyna qatysty ekenin aıta kele, bul sý qoımanyń jobalyq kólemi 410 mln tekshe metr ekenin, 3 sáýirdegi jaǵdaı boıynsha sý kólemi 282 mln tekshe metrge jetkenin atap ótti.
Budan bólek ol qala mańyndaǵy kontrretteýishtegi jaǵdaıǵa toqtaldy.
«Qazirgi kezde konterretteýishte 2,6 mln tekshe metr sý jınalǵan. Bul nysanǵa 450 mln tekshe metrge deıin sý jınaýǵa bolady»,- dep naqtylady maman.
Taratylǵan málimetterge qaraǵanda, qazirgi kezde Maıbalyq kólindegi sýdyń kólemi 62 mln tekshe metrdi qurady. Jalpy kóldegi syıymdylyq mólsheri 82-84 mln tekshe metr shamasynda. Astana qalasynyń ákimdigi Maıbalyq kólinen shyǵyp «Nura - Esil» kanalyna baratyn qoldanystaǵy uzyndyǵy 5,4 km quraıtyn kanaldy tazalaýdy aıaqtady.
Sonymen qatar «Kishi Taldykól» aýdanyna erekshe nazar aýdarylyp, osy kólde bógetterdi bekitý jumystary júrgizildi. Al Ilınka turǵyn alabyna toqtalatyn bolsaq, bul jerde 500 metrli bóget qalypqa keltirildi.
Belgili bolǵandaı, aǵymdaǵy qys merziminde qaladan shyǵarylǵan qar kólemi 3,1 mln tekshe merdi qamtydy. Al ótken jyldyń sáıkes kezeńinde 5,4 mln sharshy metr shyǵarylǵan bolatyn.
«Ákimdik janynda biryńǵaı baılanys ortalyǵy (109 qyzmeti) quryldy. Búginde 900-ge jýyq habarlama kelip tústi, onyń 99 paıyzy boıynsha jumystardy iske asyrdyq. Qazirgi kezde 14-i boıynsha jumystar pysyqtalýda», - dedi I. Alekseev.
