ASTANA TARIHYNA ShOLÝ: Elordalyqtar 2013 jyly elorda kúnin qalaı atap ótti?

***
Astana 15 jyldyq mereıtoıyn atap ótti
Bul bizdiń álem tanyǵan ásem de, jas qalamyzǵa - 15 jyl toldy. Osy jyldar ishinde oblys ortalyǵy atanǵan shaǵyn ǵana qala táýelsiz memlekettiń zamanaýı ortalyǵyna aınaldy. Búkil qazaqstandyqtar elimizdiń barlyq qalalarynda Astananyń 15 jyldyǵyn kontserttermen, kórme, jármeńkelermen, basqa da qyzyqty is-sharalarmen atap ótti.
Elordada kezekti merekelik kópshilik is-sharasy «Astanamen qatar tur!» sherýimen ashyldy. Qala qonaqtarmen, turǵyndarymen birge sherýge Qazaqstannyń sport, shoý-bıznes ókilderi men óner juldyzdary qatysty. Olar ár kolonnanyń alǵy shebinde júrdi. Mýzyka, patrıottyq lepester, fleshmob - osynyń barlyǵy sherýdi súıemeldeıdi. Sherý Astananyń basty nyshany - «Báıterekke» deıin ótti.
Tańerteńgi saǵat 10-nan bastap, «Stýdentter» saıabaǵy men «Jeruıyq» saıabaǵynda «Aınalaıyn» halyqtyq serýeni, elimizdiń basty alańy «Qazaq Eli» monýmenti alańynda «Shýaqty qala» halyqtyq serýeni ótti. Munda elorda turǵyndary men qonaqtaryn «qala ishindegi qala» biregeı qyzyǵy, merekelik jármeńke, oıyn-saýyq attraktsıondary, meıramhanalar, qazirgi zaman óneri kórmesi qarsy alyp, sondaı-aq, olar aýqymdy kúndizgi jáne keshki kontserttik baǵdarlamalardy tamashalady.
Tańerteńgi saǵat 11-den bastap elordalyqtarǵa nomadtardyń san ǵasyrlyq mádenıetine sapar shekkizetin «Myńjyldyqtar toǵysyndaǵy Astana» kóshpeli órkenıetter festıvali jumysyn bastady. Sonymen qatar osy sátte Abaı eskertkishi janynda «Astana - baǵy bıik asqarymsyń» kitap jáne poezııa festıvali qyzyp, úlken kitap kórmesi men jármeńkesine ulasty. Al qalanyń ekinshi bóliginde, atap aıtqanda, «Báıterek» monýmenti alańynda «Shattyq» balalar festıvali de kórermenderdiń kóz aıymyna aınaldy. «Han Shatyr» saýda oıyn-saýyq ortalyǵynda Astananyń 15 jyldyǵy qurmetine merekelik tort kesý rásimi ótti.
12.00-de «Atameken» etno-memorıaldyq kesheninde neke qııý saltanty rásimi júrip, jańa otbasyn qurǵan jas jubaılar áýege seksen aq kógershin ushyrdy. Sondaı-aq, túste «Qazaq Eli» monýmenti alańynda halyq aspaptary mýzykasynyń áýesqoılary úshin «Serper» festıvalinde 300 mýzykant-qatysýshy bir mezgilde tanymal súıikti kúılerdi oryndady.
17.00-de Kongress-Hollda «Án júregim - Astana!» respýblıkalyq án baıqaýynyń gala-kontserti ótti. Baıqaý jeńimpazdary sahnada qazaqstandyq estrada juldyzdarymen birge óner kórsetti.
19.00-de «Saryarqa» Respýblıkalyq velotreginde qazaqstandyq jáne sheteldik estrada juldyzdarynyń, Hedlaıner Nıkol Sherzıngerdiń jobasy "Asqaqtaı ber, Astana!" usynyldy.

20.00-de Qalalyq alańda, «Báıterek» monýmenti alańynda, «Stýdentter saıabaǵynda «Qaıyrly kesh, Astana!» halyqtyq serýeni uıymdastyryldy. Osy sátte «Qazaq Eli» monýmenti alańynda «Sálem,Astana» gala-kontserti júrdi. Al «Astana Opera» alańynda 20.00-de ádetten tys kostıýmdik shoý: «eskertkishter jandanýynda» sýretshiler halyqty qarsy aldy. Sol jerde 22.30-da elorda turǵyndary men qonaqtaryna «Tabysqa jol» jáne «Mýzyka áýenderi» 3D jobalyq shoýy usynyldy. Kórinis teatr ǵımaraty qabyrǵasynda halyqqa kórsetildi. Aspanǵa túrli tústi sáýleler shashyldy. Teatr fonynda qysqametrajdy fılm kadrlary: Aqmola dalasy men bastalyp jatqan qala qurylysyn táýelsizdik nyshany men qazirgi Astanamen ushtastyra kórsetip, kópshilikke usyndy.
Barlyq merekelik is-sharalar «Qazaq Eli» monýmenti alańynda aýqymdy salıýt shashýmen aıaqtaldy.

Astananyń 15 jyldyǵy kúni elordada 79 sábı dúnıege keldi


Astananyń 15 jyldyǵy, 6 shilde kúni elordada 79 sábı dúnıege keldi. Olardyń 42-sy qyz, 37-si ul bala.
Barlyq jańa týǵan sábılerdiń týý týraly kýáliginde «týǵan jeri» baǵanynda Astana qalasy kórsetiledi. Alaıda, olardyń bári birdeı elordalyq azamattardyń otbasynda dúnıege kelgen joq. Máselen, Astananyń mereıtoıyn qyzyqtaý úshin Qostanaı oblysynan kelgen 34 jastaǵy Aqjamal Nurǵalıeva sábıin merekelik is-sharalardy qarap júrip bosanyp qalǵan. Dýmandy oıyn-saýyq kezinde tolǵaq qysqan anaǵa kelip jetken jedel járdem dárigerleri onyń óziniń de, sábıiniń de densaýlyǵy jaqsy ekendigine kóz jetkizip, №1 perınataldy ortalyqqa alyp ketti.
Mereke kúnderi Astanada barlyǵy 269 sábı dúnıe esigin ashty. Atap aıtqanda, 5 shildede 58 bala, 6 shildede - 79, 7 shildede - 81 jáne 8 shildede - 51 bala ómirge keldi.

Astanada «Elorda kýbogy» úshin ótken halyqaralyq KTK festıvali merekeniń shattyǵyn arttyra tústi

Elordada Astana kúniniń 15 jyldyǵyn merekeleý aıasynda «Elorda kýbogy» úshin kóńildi ázil keshi - Halyqaralyq KTK festıvali ótti.
Jyl saıyn jan-jaqtan elordaǵa qala turǵyndary men qonaqtaryna kúlki qýanyshyn syılaýǵa eń tanymal da dańqty KTK komandalary keledi.
Bul jyly mereıtoı ótkizip jatqan qalaǵa kópshilikti kúlkige keneltý úshin Qazaqstan, Qyrǵyzstan jáne Reseıden 5 komanda at basyn burypty. Bul - Reseıdiń - «Raısy» Bishkektiń «Tamashoý», «Kamyzıakı», «Sdelano v Habarovske» KTK komandalary men Qazaqstannyń «VKLıýchaısıa» komandasy.
Qatysýshylardyń aıtýynsha, Qazaqstan astanasyna olar eń tańdaýly, eń qyzyqty jáne eń úzdik nómirlerin alyp kelgen. Komandalar halyqqa buryn baǵasyn alǵan eski ázilderdi de, jańa tyń nómirlerdi de usyndy.
Aıtý kerek, merekelik is-sharalar aýqymynda Elorda Kýbogy úshin ótken Ekinshi qazaqstandyq Festıval barsha qaýymǵa jarqyn kúlki men jaıdarly kóńil kúı syılap, dýmandy meıramnyń shattyǵyn arttyra túskendeı.
Esil ústinde klassıkalyq mýzyka áýeni áýeledi

Úsh kún boıy Esil ózeni jaǵasynda dástúrli klassıkalyq mýzyka áýeledi. Bul elordalyqtardy djaz, klassıka men sımfonııalyq mýzyka qanatynda terbegen «Áýen - aǵys» keshi edi.
«Áýen - aǵys» klassıkalyq mýzyka keshiniń qoıýshy-rejısseri Qýanysh Orazǵalıevtiń aıtýynsha, Almatynyń opera jáne balet teatry Djýzeppe Verdıdiń «Travıata» operasyn kórsetti. Djýzeppe Verdıdiń 200 jyldyq mereıtoıyna arnap Verdıdiń «Travıata» qoıylymyn qoıdy. Alfred pen Vıolettanyń partııasyn aıtýǵa arnaıy Rýmynııadan eki ánshi shaqyrdyq.
Almatynyń opera jáne balet teatry Djýzeppe Verdıdiń «Travıata» operasyn kórsetti. Bıyl álemde Djýzeppe Verdıdiń 200 jyldyq mereıtoıyn atap ótip jatyr. Soǵan arnap Verdıdiń «Travıata» qoıylymyn qoıyldy. Alfred pen Vıolettanyń partııasyn aıtýǵa arnaıy Rýmynııadan eki ánshi shaqyryldy.
Ekinshi keshte kópshiliktiń súıiktisine aınalǵan Djýzeppe Verdıdiń tórt kórinisti «Travıata» operasy erke Esildiń ústinde alǵash ret oryndaldy. Kópshiliktiń kóńilinen shyqqan áserli kesh Astana men Almaty qalalarynyń djaz oryndaýshylarynyń kontsertimen aıaqtaldy.

«Sálem, Astana!» gala-kontsertine kórermen kóp jınaldy

Gala-kontsert «Qazaq eli» monýmenti janyndaǵy alańda ótti. Aýqymdy estradalyq marafonda qazaqstandyq estrada juldyzdary - Almas Kishkenbaev, Mádına Sádýaqasova, «Rıngo», «Mýzart» toptary, Jolbarys Seıfýlın, «Báıterek» toby, Altynaı Jorabaeva, Beıbit Qorǵan, basqa da ánshiler óner kórsetti.
Ashyq aspan astynda ótken kontsertke tek qaladan ǵana emes, Astana kúni merekesine aımaqtardan arnaıy kelgender de boldy. Máselen, Aıgúl Shortaeva Astanaǵa Shymkent qalasynan kelipti. «Estrada juldyzdaryn kózimmen kórýdi kópten armandap júrgenmin, mine, sol armanym oryndaldy», - deıdi ol.
Kontsert birneshe saǵatqa sozyldy. Ánshiler eski hıttar men Astananyń 15 jyldyǵyna arnalǵan jańa ánderdi oryndap, kópshiliktiń kóńilinen shyqty. «Arnaý» toby mereıtoı qurmetine «Astana - án mahabbatym!» jańa ánin usyndy. Ashyq aspan astyndaǵy esten ketpes kontsertten kórermender merekelik rýhta, qýanyshty sezimge bólendi. Kontsert tún ortasynda aýqymdy otshashýmen aıaqtaldy.

3D shoýy merekedegi aıryqsha joba boldy

Astana kúnin merekeleý saltanaty qala turǵyndary men qonaqtarynyń esinde máńgi saqtalatyn boldy. Alańdar men SOO-da ótken merekelik sharalar bir-birine uqsamaıtyndyǵymen erekshelendi.
«Astana opera» opera jáne balet teatry aldyndaǵy alańǵa da halyq kóptep jınaldy. Óıtkeni munda «Sáttilik kilti» 3D jobalyq shoý men «Mýzyka áýeni» mýltımedııalyq shoýy kórsetildi.
Sonymen qatar teatr fonynda qysqametrajdy fılm kadrlary, qala qurylysy, qazirgi Astana kórki kópshilikke usynyldy.

«Án júregim - Astana» jeńimpazdary anyqtaldy


Kongress - holl Saraıynda jas daryndarǵa qanat bitirip, bolashaǵyna jol ashqan respýblıkalyq «Án júregim - Astana» baıqaýynyń gala-kontserti ótti. Baıqaýdyń negizgi maqsaty - Astananyń ımıdjin kóteretin avtorlyq ánderdi anyqtap, kompozıtorlar men aqyndardyń, jas oryndaýshylardyń shyǵarmashylyǵyn nasıhattaý jáne jas talanttardy izdep taýyp, vokaldy, poetıkalyq jáne kompozıtorlyq ónerdi biriktirý bolatyn. Іs-shara kózdegen múddesinen tolyq shyqty. Buǵan jınalǵan kópshiliktiń kóńil kúıi tolyq dálel bola alady.
Jas aqyn, ánshi, sazgerler baq synasqan shyǵarmashylyq báıge qatysýshylardyń shabytyn sharyqtatyp, mereılerin ústem etti. Nátıjesinde Semeıden kelgen «Kerbez» dýeti dıplomant atansa, baıqaýdyń arnaıy dıplomymen Baqytjan Ýrahaev, ekibastuzdyq Saıran Bralına marapattaldy. Aqtóbelik Azamat Beqbergenov 3-oryndy ıelense, almatylyq Álibek Álmádıev 2-oryndy qanjyǵasyna baılady. Al, 1-oryndy qyzylordalyq Serik Ibragımov jeńip aldy.

«Astana-Arqaý» festıvali 6 eldiń án dástúrin biriktirdi

Kópshilikti «Astana-Arqaý» túrik mýzykasynyń festıvali úlken áserge bóledi. Túrkııa, Ázirbaıjan, Qyrǵyzstan, Ózbekstan jáne Túrkimennen kelgen 400 mýzykant Astana sahnasynda ózderiniń dástúrli ónerlerin kórsetti.
Igor Frolov, festıval uıymdastyrýshysy:
«400-den astam ártis shaqyrylyp edi, solardyń barlyǵy da keldi. Aýa raıynyń qolaısyzdyǵyna qaramastan, sheteldik qonaqtar da ýaqytynda jetti. Biz soǵan qýanyshtymyz».
Kontserttiń negizgi taqyryptarynyń biri - «folklorly ómir» dep atalady. Mýzykasy jeke aspaptan bastap epıkalyq shyǵarmalarǵa deıin san túrli janrlarda usynylyp otyr. Festıval qonaqtary «Hýýn Hýýr Tý», «Ot Ene», «Navo» toptary jáne basqa da ánshiler men ujymdardyń tamasha mýzykalyq kompozıtsııalaryn kórip, qulaq quryshyn qandyrar áýenderin tyńdady.
Aıdar Ahmedıanov, syrnaıshy:
«Maǵan qala óte unady. Ósip,órkendep keledi. Men qalada osydan bes jyl buryn bolǵanmyn. Sodan beri Astana ǵajap ózgeripti. Ásemdigimen, aıyryqsha sáýletimen kóz tartyp, umytylmastaı áser qaldyrady. Munda azııalyq úlgidegi de. eýropalyq úlgidegi de sulý ǵımarattardy kórýge bolady. Óte keremet festıval ótti. Qatysýshylar bir-birimen jaqyn aralasyp, dostasyp ketti. Bári de keremet!».
Túrik mýzykasynyń festıvalin «Hýýn Hýýr Tý» toby japty. Elorda turǵyndary men qonaqtary 6 shildede «Han shatyr» SOO-da týva tobynyń jan jadyratar kómeı ánderinen taǵy bir sýsyndady. https://astana.gov.kz/kk/modules/material/1685
Teatrlandyrylǵan qoıylym Astana kúnine oraılastyrylǵan eń qyzyqty is-sharaǵa aınaldy
6 shildede «Astana Opera» balet teatry alańynda Astananyń 15 jyldyǵyna arnaıy oraılastyrylǵan kózdiń jaýyn alardaı jarqyraǵan teatrlandyrylǵan qoıylym men biregeı 3D jobalyq shoýyn birneshe myńdaǵan turǵyndar men qala qonaqtary tamashalady.
Eki saǵatqa sozylǵan aýqymdy is-qımyl áreketine ónerdiń túrli janry men baǵyttaryndaǵy 98 ártis qatysty. Solardyń ishinde ataqty «ArtıShOK» Almaty teatry eki ınteraktıvti spektakl usynsa, «Amsterdam» teatry sıqyrly bet qımyldary men elordalyq úzdik bı toptary men orkestr ónerlerin usyndy. Eń kishtentaı kelýshiler úshin akvagrım sheberleri ertegi álemine sapar shegip, tilek bildirýshiler qyl qalam sheberlerinen sharjdar men portretterdi saldyryp alyp jatty.
Qoıylym kórermenderi kóptegen tosynsyılar men mýzykalyq áýenderdiń kýási boldy. Shoý kópshilik úshin uıymdastyrylǵan. Sondyqtan budan kez kelgen qatysýshy lázzat alatyndaı múmkindikter týǵyzyldy.
Teatrlandyrylǵan qoıylymnyń sharyqtaý shegi qalanyń alǵashqy qurylystaryn, mańyzdy nysandardyń salynýyn kórsetken, áýedegi jandy sýretter men túrli tústerdiń qubylýyn jetkizgen, pırotehnıkalyq 3D jobalyq shoýy boldy. Bul Astana kúni merekesindegi eń kóńildi is-shara edi.

«Qaıyrly kesh, Astana!» bı keshinde astanalyqtar ashyq aspan astynda dýmandatty

Elorda jastaryna Astananyń 15 jyldyq mereıtoıy esten ketpes qyzyqtar men qýanyshtar syılady. 6 shildede «Qaıyrly kesh, Astana!» merekelik baǵdarlamasy ótti. Otandyq shoý bıznes ókilderi ashaq aspan astynda elorda turǵyndary men qonaqtaryn shattyq kóńil kúıge bóledi. Baǵdarlamada Memlekettik fılarmonııa ártisteri, «Eýrazııa» shoý-baleti, «Ulytaý», «Dabyl», «Retro» toptary, sondaı-aq, qazaqstandyq estrada juldyzdary: Mádına Sádýaqasova, Alısher Karımov, Almas Kishkenbaev, Rústem Júginisov, taǵy basqalar óner kórsetti. Júrgizýshiler de jaqsy tańdalypty. Túrli-tústi jaryq oınaǵan alańda jastardyń kóńilin sharyqtatatyndaı mega bı keshiniń dýmany qyza tústi.
Halyqtyq serýen: Qalalyq alań, «Báıterek» monýmenti alańy jáne «Stýdentter» saıabaǵy - úsh jerde birden ótti. Jappaı sherý men halyqtyq serýen qalalyqtarǵa aıyryqsha merekelik kóńil kúı syılady. Al, «Qaıyrly kesh, Astana!» dýmanynyń qatysýshylary mýzyka álemine engizip, búgingi zamanǵy bılerdi bıleýge úndedi. Bul atalǵan merekelik baǵdarlamalar 7 jáne 8 shildede de jalǵasty.
Astana mereıtoıynda 3D jobalyq shoýy qala tarıhyn kórsetti

«Opera balet» opera jáne balet teatry alańy aspanynda túrli-tústi tolqyndar jarqyrady. Astana mereıtoıynda «Sáttilik kilti» 3D jobalyq shoý men «Mýzyka áýeni» mýltımedııalyq shoýy kórsetildi.
Teatr fonynda qysqametrajdy fılm kadrlary: Aqmola dalasy men bastalyp jatqan qala qurylysy táýelsizdik nyshany men qazirgi Astanamen ushtastyra kórsetilip, kópshilikke usynyldy.
Biregeı shoý úsh kún 6-8 shilde aralyǵynda ótti.
Sonymen qatar, bul kúnderi «Opera balet» opera jáne balet teatry alańynda uzyn aıaqty ázilqoılar, «jandanǵan eskertkishter», kúldirgi adamdar qyzyqty kórinister qoıdy.
Eski kıimdi sýretshiler, qýyrshaq-marıonetkiler, bet-qımyl óneriniń sheberleri, betperde kıgen plastıkalyq bıshiler halyq aldyna shyqty. Jarqyraǵan, ádetten tys kostıým kıgen akterler men ertegi kıipkerleri kórermenderdi ǵajaıyp álemge jeteledi. Qarańǵy túsimen teatr tóńiregi burynǵydan da keremet jarqyrap, kórermendi erkisiz qyzyqtyrdy.

Astananyń mereıtoıy qazaqstandyq juldyzdardyń sherýimen bastaldy


Astana kúni tańerteńnen syrnaılatyp, kerneıletip bastaldy. Aýa raıy da shýaq shashyp, dál elorda kúnin merekeleýde kópshiliktiń kóńil-kúıin kókke kóterdi. Orkestrler, jastar, London olımpıadasynyń chempıony Aleksandr Vınokýrov, ánshiler Marjan Arapbaeva, Mádına Sádýaqasova, Búrkit, Almas Kishkenbaev, «Rıngo» toby, basqa da óner juldyzdary, sportshylar jalpy 4 000 adam Jastar saraıynan bastap Respýblıka, Saryarqa dańǵyldary, Kenesary kóshesimen Memlekettik Tý, «Báıterek» monýmenti janyna deıin sappen saltanat quryp, júrip ótti.
Astana kúni Respýblıka Týy túbinde 37 jup taǵdyrlaryn qosty
«Atameken» etno-memorıaldyq kesheninde eń úlken Respýblıka Týynyń túbinde Astana kúni merekesine arnalǵan saltanatty neke qııý rásimi ótti.
Neke qııý saltanatyna jas ta, jastary tolysqan 37 jup bir-birimen ómirlik jar retinde taǵdyrlaryn qosty. Jas jubaılar úshin Astana qalasy Ádilet departamentiniń Azamattyq hal aktilerin tirkeıtin bólimi neke qıǵany týraly kýálikti tabys etip, olarǵa juptaryń máńgi jazylmasyn degen tilek aıtty. Astanalyq tsırktiń ánshisi Vladımır Lıgaı mýzykalyq sálem joldady.
Іs-sharany Astananyń 15 jyldyǵy qurmetine ótkizý tájirıbesi osy saltanatty oqıǵaǵa degen halyqtyń úlken qyzyǵýshylyǵyn týǵyzdy.
Іs-shara qala turǵyndarynyń patrıottyq sezimderin arttyryp, neke qııý kúniniń asqan jaýapkershiligi men mańyzyn túsiný maqsatynda uıymdastyryldy.
Saltanatta úlken merekelik tort kesilip, jas jubaılar odan qýanyshty sezimmen aýyz tıdi. Áýege aq tilekter jazylǵan sharlar ushyryldy. Jas jubaılarǵa eskertkish syılyqtar tabys etildi.

«Shattyq» jas talanttardyń basyn biriktirdi
Birneshe jyldan beri jyl saıynǵy «Shattyq» festıvali jas talanttardyń basyn qosyp, Astana turǵyndary men qonaqtarynyń qýanyshyna ortaqtasýda. «Báıterek» monýmenti alańynda olar qalanyń 15 jyldyǵy qurmetine óz ónerlerin kórsetti.
Baǵdarlamaǵa: «Vokal», «Horeografııa», «Halyqtyq oryndaý», «Balalardyń teatr úlgisi» jáne «Orıgınaldyq janr» engizilipti. Festıvalge Qazaqstannyń túkpir-túkpirinen, sondaı-aq, alys, jaqyn shetelderden 5 pen 18 jas aralyǵyndaǵy 350 bala qatysýda.
Belgilengen shart boıynsha ár ujymǵa óz ónerin kórsetýge 30 mınýt ýaqyt beriledi. Jeke oryndaýshylar úshin beriletin ýaqyt - 12 mınýt.
«Men erte bastan shyǵarmashylyqpen aınalysqan balalardy kórsem, qatty qýanymyn. Búgin Qazaqstannyń jas ártisteri túrli elderdiń sahnalarynda óner kórsetip, elimizdiń ımıdjin qalyptastyrýǵa úlken úles qosyp júr!» - dedi astana.kz saıtyna baıqaýdyń uıymdastyrýshysy, «Boztorǵaı» Halyqaralyq baıqaýynyń dırektory Qarlyǵash Ábdikárimova.
«Shattyq» Halyqaralyq festıvaliniń ótkizilý maqsaty - óskeleń urpaqtyń boıynda adamgershilik sezimderin qalyptastyryp, olarǵa estetıkalyq tárbıe berý. Sonymen qatar, uıymdastyrýshylar balalardy ulttyq shyǵarmashylyqqa jaqyndatyp, qazaqtyń mádenıeti men salt-dástúrlerin, ádet-ǵurpyn nasıhattaý. Mádenıet qaıratkerleri men memlekettik ınstıtýttardyń, oqý oryndarynyń nazaryn daryndy oryndaýshylarǵa aýdarý bolyp tabylady.
Qatysýshylardyń barlyǵy da eskertkish syılyqtar, gramotalarmen marapattalyp, olarǵa tarý-taralǵy usynylady.
Festıvaldi uıymdastyrýshy Astana qalasynyń ákimdigi men «Boztorǵaı» halyqaralyq festıvali qoǵamdyq qory bolyp tabylady.

Astananyń 15 jyldyǵyna elordada 600 keli tort ázirlendi

Astanada 15 jyldyq mereıtoıy qurmetine Qazaqstan Respýblıkasynyń Prezıdenti Nursultan Nazarbaevtyń qatysýymen tort kesý saltanaty ótti.
«Han-Shatyr» saýda oıyn-saýyq ortalyǵynda tort kesý rásimine Prezıdentpen birge mektep olımpıadasy men sporttyq jarystardyń júldegerleri, balalar úıiniń tárbıelenýshileri, oqý ozattary, daryndy, talantty jetkinshikter qatysty.
Elbasy óz qolymen usynǵan torttyń alǵashqy tiliminen Astana qalasy balalar úıiniń tárbıelenýshisi 11-jastaǵy Arýjan Boranbaeva jáne 8-jastaǵy Denıs Sınıko aýyz tıdi.
Elordanyń 15 jyldyq mereıtoıynyń qurmetine balalar merekelik kontsert daıyndaǵan. Onda respýblıkalyq jáne halyqaralyq baıqaýlardyń laýreattary - «Aınalaıyn» toby, Zýlfııa Aıtbaeva, Tursynáli Janshyraı, «Renessans» bı mektebi, Álisher Jaqsybaı, dombyrashylar Soldatbaı Álı, Jarylqasyn Shyńǵys, Abylaı Islam jáne taǵy basqalar, sondaı-aq alys-jaqyn shetelderden kelgen ónerli, jas meımandar - Chelıabiden Anastasııa Dashevskaıa, Ózbekstannan, Qytaıdan, Qyrǵyzstannan kelgen bı toptary ónerlerin kórsetti.
Kontsertke qatysýshylar Memleket basshynyń aldynda «Astanadaǵy ertegige bergisiz ómir» atty flesh-mobty pash etti. Odan keıin balalardy túrli oıyndar, baǵaly syılyqtar men anımatorlardyń qyzyq-dýmany kútip turdy.
Mereıtoılyq torttyń salmaǵy 600 keli, pishini - tórtburyshty, kólemi - 4h4. Tortty daıyndaý úshin 200 keliden astam un, 250 keli qant, 5 myń jumyrtqa, 200 keli qulpynaı tosaby jáne taǵy da basqa ıngredıentter jumsaldy. Torttyń jan-jaǵy Astananyń kórnekti jerleri men maqtaýly nysandarynyń keıpimen áshekeılengen, al dál ortasynda bıiktigi 1,2m «Báıterek» monýmentiniń fıgýrasy boı túzegen. Til úıirer táttini jasap shyǵý úshin aspazdar 10 aspaz 11 saǵat ýaqyt eńbektendi. Tort 25 tilimge bólinedi, saltanatty sharadan keıin odan «Han Shatyr» SOSO-ǵa kelgen kez kelgen adam dám tatty.
Dál osy shaqta «Dýman» oıyn-saýyq keshenine kelýshiler de, dál solaı elordanyń 15 jyldyǵyna arnalyp pisirilgen, belgili ánshi, shoýmen, prodıýser Qydyráli Bolmanov tilgen 30 kelilik torttan aýyz tıip jatty.

Kitap jáne poezııa festıvali merekege tartý boldy

Qaladaǵy Abaı eskertkishi janynda elodanyń 15 jyldyq mereıtoıy aıasynda «Astana - baǵy bıik asqarymsyń!» kitap jáne poezııa festıvali uıymdastyryldy. Іs-sharanyń ózindik ereksheligi bar. Ol balalar men jasóspirimderdi belsendi kitap oqýǵa tarta otyryp, ádetten tys ustanymda ótkizildi. Maqsaty - shyǵarmashyl jastardyń poezııalyq qabilet-qarymdaryn anyqtaý, olardy otan súıgishtikke tárbıelep, ózindik sana-sezimderin qalyptastyrý bolyp tabylady.
Іs-sharanyń uly Abaı eskertkishiniń janynda ótkizilýi de sondyqtan.
Baǵdarlamaǵa úsh baıqaý engizilgen. Alǵashqy "Astananyń ár kelbeti óleńmenen órilgen..." aqyndyq baıqaýyna 14 pen 18 jas aralyǵyndaǵy qalanyń mektep oqýshylary kolledj, ýnıversıtetteriniń stýdentteri qatysty. Jas aqyndar ózderiniń tyrnaqaldy týyndylaryn Astananyń 15 jyldyq mereıtoıyna arnapty. Uıymdastyrýshylardyń aıtýynsha, olardyń úzdik týyndylary «Ortalyqtandyrylǵan kitaphana júıesinen» shyǵatyn "Astana - baǵy bıik asqarymsyń!" jınaǵyna enetin kórinedi.
«Men- elimniń tiregi» zııatkerlik baıqaýyna qatysýshylar - 7-i men 14 aralyǵyndaǵy óz qalasy, onyń tarıhy týraly óleńder arnaıtyn mektep oqýshylary.
Sondaı-aq, Álimbaev oqýlary baıqaýy da qazaq halqynyń belgili aqyny, uzaq jyldar «Baldyrǵan» balalar jýrnalynyń bas redaktory bolǵan Muzafar Álimbaevtyń 90 jasqa tolýyna arnalǵan.
Merekeni «Jańarǵan dalam, jasarǵan qalam, sharyqta meniń Astanam» kitap kórmesi aıaqtaıdy. Munda Ortalyqtandyrylǵan kitaphanalar júıesi Astana kúnine tartý etken keń kólemdi kórkem sýretti kitap kórmesi uıymdastyrylady. Sonymen qatar, kórmeni rýhanı adamgershilik qundylyqtary, arystarymyz Ahmet Baıtursynovtyń -140, Maǵjan Jumabaevtyń -120, Shákárim Qudaıberdiulynyń -155 jyldyq mereıtoılary, basqa da zııaly qaýym ókilderi men tulǵalardyń shyǵarmashylyqtary asha túsedi.
Festıval elorda turǵyndary men qala qonaqtaryn uly jazýshylar men tanymal tulǵalardyń týyndylary men poezııa álemimen qaýyshtyryp, merekelik tartý jasady.

Astanada úrmeli orkestrdiń bend marafony ótti


Ár orkestr ánshiler men vokalshylardyń qatysýymen 40 mınýttyq shaǵyn kontserttik baǵdarlama usyndy. Astana, Óskemen, Almaty, Qorǵanys Mınıstrliginiń orkestri jáne «Mehter» túrik áskerı orkestri - bes ujym óner kórsetti. Mýzykanttar 3 saǵatqa jaqyn jandy áýenmen tyńdarmandardy sýsyndatty.
Aleksandr Belıakov, QR Memlekettik úrmeli orkestriniń dırıjeri, QR eńbek sińirgen qaıtartkeri:
«Bizde klassıka da, folklor da bar. E.Rahmedıevtiń «Qudasha dýman», «Bulbulyn» bizdiń dańqty ártister shyrqaıdy. Bizde estradalyq mýzyka da, kınofılmderden saýndtrekter de bolady. Baǵdarlama eń aýqymdy aýdıtorııaǵa arnalǵan, Meniń oıymsha, munda árbir tyńdarman ózin qyzyqtyratyn, janyna jaqyn dúnıeni taba alady».
Sebeleı jaýǵan nóserge qaramastan, úrmeli orkestrlerdiń áýenderi qonaqtardyń kóńil kúılerin kóterip, merekeniń dýmanyn bir tómendetken joq. Árkim de júregine jaqyn áýendi qumarta tyńdap, lázzat alǵandaı.
ıÝlııa Karına, tyńdarman:
Jańbyr jaýyp turǵanyna qaramastan, men búgin úrmeli orkestrdiń kontsertin tamashalaýǵa keldim. Bul meniń jyl saıynǵy dástúrime aınalyp keledi dese de bolady. Jandy áýen adamnyń janyn rahatqa bólep, kóńil kúıin kóteredi. Kútkendegideı, munda óte keremet, qulaq quryshyn qandyrar merekelik jandy áýender oınaldy. Barlyq jerlesterimdi Astana kúnimen quttyqtaımyn!»
«Astana Samaly» festıvali orkestrlerdiń qala kóshelerindegi sherýi men orkestrler óz baǵdarlamalarynda - defıle kórsetip, plats-kontsertke jalǵasýda. Festıval kontserttik baǵdarlamada eń úzdik nómirler biriktirilip kórsetiletin gala-kontsertpen aıaqtalady.
Elordada «Astana juldyzy» ulttyq mýzyka báıgesi ótti


«Qazaqstan» Ortalyq Kontsert zalynda jaıylǵan qyzyl kilemshe ústimen keshe elimizdiń barlyq kórnekti mýzyka qaıratkerleri júrip ótti. «Astana juldyzy» birinshi ulttyq kásibı mýzyka báıgesinde respýblıkanyń úzdik oryndaýshylary tańdaldy.
Onyń ózge baıqaýlardan ereksheligi, bul - kásibı mýzykanttar báıgesi. Bir sózben aıtqanda, qazaqstandyq úlgidegi sheteldik «Gremmı» syılyǵy. Elimizdiń mýzyka ındýstrııasy ókilderi arasynda 100 sarapshy anyqtaldy. Olardyń qatarynda halyq ártisteri Roza Rymbaeva, Naǵıma Esqalıev, ánshi Sáken Maıǵazıev, basqa da prodıýserler men BAQ ókilderi, qoǵamdyq jurtshylyq ókilderi bar.
«Astana juldyzy» kásibı syıylyǵynyń atalymy sany bas qalanyń mereıtoıyna qatysty on bes boldy. Qatań irikteý arqasynda 2012 jyldyń qańtarynan 2013 jyldyń mamyryna deıin otandyq juldyzdardyń shyǵarmashylyq jetistikteri sarapqa salyndy.
15 atalymda 45 ártis baq synady. «Úzdik oryndaýshy» atalymynda Marjan Arapbaeva, «Úzdik kompozıtorda» - Talǵat Sarybaev, «Jyl tańdaýlysy» atalymynda - Álı Okapov, «Úzdik dýette» - «Mıýzıkola», «Úzdik etno-topta» - «Ulytaý», «Úzdik áıelder tobynda» - «Keshyou», «Úzdik erler tobynda» - «MýzArt» jeńimpaz tanyldy.
«Hıt TV» qazaqstandyq telearnasy «Orda» tobyna arnaıy syılyq pen arnada tegin rotatsııa jasaý múmkindigin berdi.
«Meniń oıymsha, bizdiń oryndaýshylardyń deńgeıi ótken jyldarǵa qaraǵanda anaǵurlym ósip otyr. Bul óte qýanyshty. Biz barlyq qazaqstandyqtardy Astana kúnimen quttyqtaımyz!» - dedi astana.kz saıtyna «Keshyou» tobynyń múshesi Janar Dýgalova.
Mýzyka syılyǵyn tapsyrý kezinde «Qazaqstan» Ortalyq Kontsert zaly sahnasynda: Marjan Arapbaeva, «Orda», «Keshyou», «Ringo», «Mýzart» toptary, Nurlan Abdýllın, Tolqyn Zabırova, taǵy basqalar óner kórsetti. Gala-kontsert hedlaıneri retinde arnaıy shaqyrylǵan qonaq - ataqty ánshi Djamala óner kórsetti. Kontsert melomandarǵa naǵyz qaıtalanbas mýzyka merekesin syılady.
Syılyqtyń basty bastamshysy - Astana qalasynyń ákimdigi bolyp tabylady.
Elimizdiń jastary «Ekstrım tolqyny» sporttyq is-sharasynda dýmandy qyzdyrdy


Astananyń týǵan kúni qurmetine «Astana Mega ortalyǵy» SOO alańynda «Ekstrım tolqyny» sporttyq is-sharasy ótti. Ony Astana qalasy ákimdigi men qalalyq Týrızm, dene tárbıesi jáne sport basqarmasy uıymdastyrdy.
Jyl saıynǵy ýrban-mádenıeti parkýr, breık-dans, skeıtbord, strıtbol jáne graffıtı áýesqoı toptarynyń basyn qosty. Bıylǵy jyly eń plastıkalyq sportshylar qatarynda qyzdar da qatysty.
«Ekstrım tolqyny» sporttyq is-qımyl jattyǵýy Astana kúni aıasynda dástúrli túrde besinshi jyl ótkizilýde. Іs-sharaǵa tek elordadan ǵana emes, basqa qalalardan da jastar sýbmádenıetiniń eń úzdik ókilderi tartyldy. Búgin bizge Pavlodardan, Qaraǵandy men Qostanaıdan, Jezqazǵannan jas jigitter men qyzdar kelip otyr. Jastardyń bos ýaqyttaryn mándi ótkizýge ózindik úlesi zor jańa sport túriniń jankúıerleri jyl ótken saıyn kóbeıe túsýde», - dep oıyn bólisti astana.kz saıtyna qalanyń aǵa jattyqtyrýshysy Mıhaıl Nohaı.
Ol sporttyń aıyryqsha túri retinde Azııa oıyndary baǵdarlamasyna engizilip, qarqyndy damýǵa bet alýda. Sport pen salaýatty ómir saltyn ustaýshy áýesqoılar tańerteń ertemen jarysqa daıyndaldy. Túske taman alańda 300-ge tarta adam jınaldy. Olardyń arasynda eresek bıshiler de, balalar men jasóspirimder de jeterlik edi.
«Bıylǵy jyl jańashyldyǵymen erekshelenip otyr. Bizge strıt vorkaýt jigitter qosyldy. Olardy - «týrnık-menamı» dep te ataýǵa bolady. Olar kóbine aýlada jattyǵyp, denelerin shynyqtyrady», - dedi is-sharany uıymdastyrýshy Aıdar Óteshev.
Aýa raıynyń qolaısyzdyǵyna qaramastan, jobaǵa qatysýshylar alańdy dýmanǵa toltyryp, kóńil kúıdi kótere bildi.
Festıvaldiń jeńimpazdary men júldegerleri aqshalaı syılyqtar men sońǵy úlgidegi smartfondarǵa, úıde jattyǵatyn sporttyq jabdyqtar men sporttyq kerek-jaraqtarǵa ıe bolady.
"Astana samaly" halyqaralyq festıvali 5 úrmeli orkestrdi biriktirdi
Qazaqstannyń úzdik úrmeli orkestrleriniń plats-kontserti búgin astanalyqtardyń kóńilin kóterdi. Baraban daýsy men kerneı úni jınalǵan kópshiliktiń boıyna qan júgirtip, aýa raıynyń qolaısyzdyǵyn da sezdirgen joq.
«Mundaı festıvalder aıtýly merekede halyqqa aıryqsha shattyq syılaıtynyn kózimiz kórip júr. Mýzykanttardyń ózi jurtshylyqtyń arasyna kelip, túrli áýenderdi oınaýy óte jaqsy dástúr. Sondyqtan bul festıval barlyq qazaqstandyq mýzykanttar úshin úlken mańyzǵa ıe. Meniń oıymsha, festıvaldiń shyǵarmashylyq ǵumyry zor. Aldaǵy ýaqytta ol budan da keń suranysqa ıe bolyp, álemniń túkpir-túkpirinen qatysýshylar jınaıtyn bolady»,-dep pikir bildirdi astana.kz saıtyna Qazaqstan Respýblıkasy Memlekettik úrmeli orkestriniń dırıjeri Aleksandr Belıakov.
Mundaı festıvalder álemde keńinen ótkiziledi. Oǵan degen adamdardyń qyzyǵýshylyǵy da erekshe.
«Búgin ónerdiń erekshe janry defıle ótedi. Ol tek úrmeli orkestrge ǵana tán. Óıtkeni, kez kelgen basqa orkestr bir mezgilde oınap, bılep, túrli kórkem mánerler jasaı almaıdy. Meniń oıymsha, óner janry retinde Qazaqstanda defıleniń bolashaǵy zor!» - dep sanaıdy A. Belıakov.
Bıylǵy jyly festıvalge Túrkııanyń «Mehter» áskerı-etnıkalyq úrmeli orkestri alǵash ret qatysyp otyr. Bul barlyq armııalyq orkestrlerdiń túp atasy bolyp sanalady.
Merekelik defıle Qazaqstan men alys, jaqyn shetelderdiń úzdik úrmeli orkestrlerin bir sahnaǵa jınady. Festıvaldiń repertýarlary da halyqtyń júregine jaqyn, ár kórermen ózine kerektisin qalap lázzat alatyndaı, iriktilip tańdalǵan.
Plats- kontsert Astananyń 15 jyldyq mereıtoıyndaǵy aıyryqsha is-shara boldy.
Ejelgi mýzykanyń sazdy áýezderi baýrady


«Hanshatyr» SOO aldyndaǵy alańda kóshpendiler órkenıeti qonys tepti. Onda «Myńjyldyqtar toǵysyndaǵy Astana» atty festıval aıasynda qala kúnine arnalǵan birqatar merekelik shara ótti. Baǵdarlamada qazaqtyń salt-dástúri, ádet-ǵurpy, dástúrli án, bı óneri men saıatshylyǵy, qolóner sheberligi halyq nazaryna usynylǵan.

«Balalar - Astana júregi!» merekesi kópshiliktiń kóńilinen shyqty

Astananyń týǵan kúnin toılaý - tek astanalyqtar úshin ǵana emes, búkil elimizdiń turǵyndary úshin de úlken mereke. Kúnnen-kúnge jasanyp, sulýlyǵymen álem nazaryn aýdara bastaǵan bas qalamyzdyń kósheleri men saıabaqtary, aýlalary men alańdary qyzyq pen dýmandarǵa, án men kúıge, jyr men bıge bólengen. Oǵan taǵy bir mereke qosyldy.
6 shildede Mahambet Ótemisuly atyndaǵy Oqýshylar saraıynyń alańynda «Balalar - Astana júregi!» merekesi ótkizildi.
Oqýshylar saraıynyń shyǵarmashylyq ujymdarynyń oryndaýyndaǵy merekelik baǵdarlama únemi qaıtalanbas jáne umytylmas balalyq boıaýlarǵa, kún sáýlesindeı nurǵa , jastyqtyń jalynyna toly boldy.
Aspan asty sahnada Mektep oqýshylary saraıynyń «Báıterek» horeografııalyq ansambliniń tárbıelenýshileri «Daladaǵy dabyl» bıin, «Altyn dán» horeografııalyq ansambli «Balbyraýyn» bıin bıledi.
«Baldyrǵan» halyqtyq tsırki men jas ártister óz talanttarymen, sheberligimen kórermender kóńilinen shyǵa bildi.
Sonymen qatar Astana kúni Astana Qurdastaryna da saltanatty túrde qurmet kórsetildi. Bıylǵy 15 jyldyq mereıtoıda Astana Qurdastary merekelik Balyn uıymdastyrdy. Baldyń hanzadasy jáne hanshaıymy bolyp №60 lıtseıdiń oqýshylary - EldanTileýbergenov pen Dana Smaǵul taǵaıyndaldy.
І «Astana Qurdastary» qalalyq Baldyń qatysýshylaryna estelik syılyqtar tapsyryldy.
Sondaı-aq, alańda baıqaýdyń qatysýshylary men jeńimpazdaryn marapattaý saltanaty da ótti. Onda Mahambet Ótemisuly atyndaǵy Oqýshylar saraıynyń shyǵarmashylyq ujymdary qala turǵyndary men qonaqtaryna óz ónerlerin usyndy.
Ásem Astananyń 15 jyldyq mereıtoıyna arnalǵan is-shara astanalyqtardyń esinde uzaq saqtalyp qalady degen senim mol.