ASTANA TARIHYNA ShOLÝ: Astanalyqtar 2014 jyly elorda kúnin qalaı atap ótti?

***
Astana kúnine arnalǵan sharalardy 900 myńnan astam adam tamashalady
Bıyl Astana kúni keń kólemde atap ótildi. 70 astam sharany daıyndaýǵa jáne ótkizýge 20 myńnan astam adam tartyldy. 30 alańda uıymdastyrylǵan sharalardy birneshe kúnniń ishinde 900 myńnan astam tamashalady. Al kontserttik baǵdarlamalarǵa 3,5 myńǵa jýyq qazaqstandyq jáne sheteldik ártis qatysty.
Bıyl kóshede ótkizilgen sharalar kóp boldy. Atap aıtqanda, «ıAbloko» alǵashqy otbasylyq shyǵarmashylyq festıvali, jastarǵa arnalǵan sporttyq jarystar, merekelik kontsertter, aspazdyq festıvali, túrli kórmeler men jármeńkeler.
Al otshashý tuńǵysh ret úsh jerde uıymdastyryldy: Esil ózeninde Elordalyq parkke qarsy, «Han Shatyr» oıyn-saýyq ortalyǵynyń janynda, sondaı-aq, «Qazaqstan» SK janyndaǵy alańda. Sýda ereshke effektiler jasaldy: Esil ózenimen otty kemeler júzip ótip, Astananyń sımvoly «Báıterek» beınesi paıda boldy. Merekelik otshashýdy uıymdastyrýǵa 20 kásibı pırotehnık maman tartyldy. Aspanǵa 5 myńǵa jýyq snarıad atyldy.
Uıymdastyrýshylardyń aıtýynsha, Elorda kúni joǵary deńgeıde atap ótildi. Al Quqyq qorǵaý organdary bul kúnderi qoǵamdyq tártipti buzý jaǵdaılary tirkelmegenin habarlady. Qalalyq qyzmetter men bólimshelerdiń tyǵyz ári ózara baılanysty jumystarynyń nátıjesinde mereke jaqsy uıymdastyryldy. Olardyń báriniń de mindeti bir árbir elorda turǵyny men qonaǵy úshin Astana kúnin este qalarlyqtaı erekshe etip ótkizý.
Merekelik is-sharalarǵa qatysý úshin 23 shet memleketten meıman kelgen
Merekelik is-sharalarǵa qatysý úshin Qazaqstannyń ózge óńirlerinen jáne 23 shet memleketten 2000 astam meıman kelgen. Bul týraly astana.kz saıtyna Astana qalasynyń Іshki ister departamentiniń baspasóz qyzmetinen habarlady.
5-7 shildede elordada kontsertter, kórmeler, halyqtyq serýenderder ótkizilip, merekelik otshashý boldy. Qalalyq iri parkterde, «Qazaq eli» monýmentiniń aldyndaǵy alańda, «Báıterek» monýmentiniń jáne «Han Shatyr» saýda oıyn-saýyq ortalyǵynyń janynda, Esil ózeniniń jaǵasynda uıymdastyrylǵan sharalarǵa myńdaǵan qala turǵyny men qonaqtary qatysty. Astanaǵa kelgen sheteldik meımandar qalanyń sáýletine tánti bolyp, merekeden alǵan áserlerimen bólisti.

«Ekstrım tolqyny» festıvaline 800 astam adam qatysty
Qazaqstandyq hıp-hop mádenıeti men sport ókilderi de Qala kúnin merekeleý sheńberinde «Ekstrım tolqyny» atty kóshe bıleriniń festıvaline úles qosty. Dástúrge aınalǵan sharaǵa bıyl 800 astam adam qatysty. Jalpy 90 jýyq komandaǵa birikken ul-qyzdar parkýr, strıbol men graffıtıden sheberlik baıqasty. Budan basqa, skeıtbordshylar men bı-boılar da óz ónerlerin ortaǵa saldy.
Parkýrda bas júlde úshin 200 qatysýshy jarysqa shyǵyp, almatylyq Vladımır Malashın top jardy. Ekinshi orynda astanalyq Ivan Chernoýsov, al Ońtústik Qazaqstan oblysynyń ókili Anvar Sultanov úshinshi oryn aldy. Jankúıerler úshin qyzyqty saıystardyń biri graffıtı jarysy boldy. Sýret sheberlerine berilgen 6 mashına jarys sońynda shyǵarmashylyq oıdyń teńdessiz nysanyna aınaldy. Bul jarysta almatylyq Ǵalymjan Balsary jeńiske jetti. Uıymdastyrýshylarǵa qatysýshylardyń jumystary unaǵany sonshalyq, olar qala tórinde óz oryndaryn tapty.

"Qaıyrly kesh, Astana!" jastar baǵdarlamasy uıymdastyryldy
Shara elordanyń birneshe alańynda ótkizildi: 5-7 shildede «Astana-Báıterek» monýmentiniń aldynda, Stýdenttik jáne Jeruıyq parkinde saǵat 20.00-23:00 jáne 7 shildede saǵat 20.00-23:00 Ákimdiktiń aldyndaǵy alańda. Otandyq shoý bıznes ókilderi elorda turǵyndary men qonaqtaryn merekemen quttyqtady. Sharaǵa qatysýshylar qazirgi zamanǵy túrli baǵyttardaǵy álemdik bı mýzykalaryn, sonyń ishinde «retro» jáne «etno» áýender tyńdady. Baǵdarlamada Memlekettik fılarmonııa ártisteri, Astana qalasynyń jeke oryndaýshylary, qazaqstandyq estrada juldyzdary, sondaı-aq, dıdjeıng sheberleri óner kórsetti.
Kóńildi júrgizýshiler, jaryqty jáne lazerlik ınstallıatsııalar, konfettı naǵyz jastar merekesin - ashyq aspan aıasynda úlken bı keshin uıymdastyrýǵa múmkindik berdi.

Astanalyq murajaılarda ashyq esik kúni ótti
7 shildede S.Seıfýllın atyndaǵy murajaıda, «ALJIR» murajaı-memorıaldyq kesheninde jáne «Atameken» Qazaqstan kartasy» etno-memorıaldyq kesheninde Ashyq esik kúni aıasynda elorda turǵyndary men qonaqtary túrli ekspozıtsııamen tanysty.
Sonymen qatar, «Atameken» Qazaqstan kartasy» etno-memorıaldyq kesheninde «Astana maqtanyshymyz» eki kúndik merekelik kontsert usynyldy. Elordanyń 16 jyldyǵyna arnalǵan shara 6 jáne 7 shildede ótti.
Astananyń damýy elimizdiń jastarynyń qolynda. Sharanyń basty maqsaty týǵan jerine jáne elordasyna degen súıispenshilik sezimin tárbıeleý, óskeleń urpaqtyń boıynda patrıottyq rýhty qalyptastyrý bolǵan edi.

«Summer Jazz Astana» kontsertinde aty ańyzǵa aınalǵan juldyzdar án shyrqady
7 shildede saǵat 17.00 Kongress-Hollda «Summer Jazz Astana» djaz mýzykasynyń kontserti ótti. Djaz stılindegi mýzyka juldyzdary atalmysh merekeniń qatysýshylary men qonaqtary boldy. Kontsertke aty ańyzǵa aınalǵan Level 42, eýropalyq tanymal djaz ujymy Mezzoforte óner kórsetti. Bul festıval Qala kúnin merekeleý aıasynda ótkiziletin eń tanymal mádenı oqıǵa retinde este qaldy.
Kontserttiń basty qonaqtarynyń biri búkil álemge 30 mıllıon jazbasyn satqan, 18 ánjınaǵy ári 40 úzdik hıtteriniń jıyrmasymen áıgili, Ulybrıtanııadaǵy eń yqpaldy top sanalatyn, atyshýly «Level 42» tobynyń negizin qalaýshy Mark Kıng. Sharanyń taǵy da bir qonaǵy tanymal eýropalyq djaz ujymy «Mezzoforte» toby boldy. Italıan tilinen aýdarǵanda «Mezzoforte» - «asa qatty emes» degen maǵyna beredi. Buǵan atyshýly toptyń mıllıondaǵan tyńdarmandary «alaıda óte sapaly» degen baǵa berýde.

«Án júregim, Astana!» jeńimpazdary ataldy
Astana kúni qarsańynda «Án júregim, Astana!» respýblıkalyq án baıqaýynyń qatysýshylary tyńdaıshylar nazaryna elordamyz týraly 25 avtorlyq án usyndy. Keshe Gala-kontsertte baıqaýda top jarǵan oryndaýshylardyń esimderi ataldy.
Astanalyq «Tengrı» toby úzdik atandy. Ekinshi orynda elordalyq «Umaı» toby jáne úshinshi orynda qostanaılyq Ásel Іrgebaı. Oral qalasynyń ánshisi Nursultan Qarabalıev Gran-prı júldesine ıe boldy.
Sonymen qatar, «Án júregim Astana!» respýblıkalyq án baıqaýynda óner kórsetkeni úshin «Úmit» atalymy boıynsha Ákimhan men Mılana dýeti (Astana q.), ánge ózindik ún qosqany úshin Azamat Sathanov (Pavlodar q.), zamanaýı óner kórsetkeni úshin Aqmarjan Baınazarova (Astana q.), «Úzdik mátin» atalymynda Aıdana Katkeshova (Semeı q.) dıplommen marapattaldy.
«Án júregim, Astana» baıqaýynyń gala-kontsertinde «Arnaý», «Keshıý» toptry, Álı Oqapov, Lýına, Marjan Arapbaeva, Tamara Asar, Marat Omarov, Zarına Omarova, Serik Ibragımov, Erlan Kókeev pen «K7» toby óner kórsetti.
Aıta keteıik, bes jyl boıy atalmysh baıqaý jas oryndaýshylardyń, kompozıtorlardyń jáne avtorlardyń juldyzyn jaǵyp keledi. Osy ýaqyt ishinde Astana týraly 100 astam án jazyldy. Elordamyz jastardyń shyǵarmashylyǵyna shabyt beredi dep senimmen aıta alamyz.

Elorda kúni dúnıege kelgen balalarǵa syılyqtar men «Qýan Sábı» bir rettik járdemaqysy usynyldy
Bosanatyn áıelderge dárigerlik járdem beretin mekemeler de Astana kúni merekesin unatady. Olar elimizdegi ataýly kúni kishkentaı elordalyqtarǵa dúnıe esigin ashýǵa kómektesti.
Elorda kúninde týǵan balalar men olardyń analaryna estelik syılyqtar men «Qýan sábı» bir rettik járdemaqysyn berý dástúrge aınaldy.

Qazaqstan men Reseı ázil-syqaq jobalaryna qatysýshylar ózara sheberlik baıqasty

7 shildede saǵat 19.00 Beıbitshilik jáne Kelisim saraıynda «Qalalar aıqasy» ázil-syqaq festıvali ótti. Shara osynaý ataýly kúni uıymdastyrylǵan merekelik baǵdarlamany tolyqtyra tústi.
Elordalyq merekelik baǵdarlama «Qalalar aıqasy» ázil-syqaq festıvalimen tolyǵa tústi. Jekpe-jek barysynda otandyq tanymal televızııalyq jobalar kópshilik nazaryna usynyldy. Festıval baǵdarlamasyna ázil-syqaq baǵdarlamalarynyń kóshbasynda turǵan «Mássaǵan» jobasy, «Lıtsa Stolıtsy», «KZlandııa» sketch shoýy engizilgen. Sonymen birge «Nasha Rusia», «Comedy Club» telejobalarynyń avtory jáne aıtýly múshesi Semen Slepakov, jáne KTK oıyndary atynan Sýhýmı qalasynyń «Narty ız Abhazıı» dýmandy toby qatysty.
Jobaǵa qatysýshylar ázil-syqaq salasyndaǵy óz ónerlerin ortaǵa saldy. Shara sońynda «Qalalar aıqasy» halyqaralyq jobasynyń jeńimpazy anyqtaldy. Keshti júrgizýge «Reseı halyqtar dostyǵy ýnıversıtetiniń quramasy» KTK Joǵary lıgasynyń chempıony Endrıý Ndjogý (Máskeý) jáne belgili qazaqstandyq eúrgizýshi Dáýit Shaıhıslamov shaqyryldy.

Aspazdyq festıvalinde ulttyq taǵamdar usynyldy

Elordada "Aspazdyq sheberleriniń ustalyǵy - súıikti qalaǵa" atty aspazdyq festıvali ótti. Qalalyq alańda ótetin shara eki kúnge jalǵasty jáne 6-7 shildede saǵat 11.00 ótti. Aspazdyq festıvali qalalyq qoǵamdyq tamaqtaný kásiporyndarynyń qyzmet kórsetý sapasyn arttyrýǵa, elorda turǵyndary men qonaqtaryn meıramhanalardyń aspazshylarynyń sheberligimen tanystyrýǵa baǵyttalǵan.
Uıymdastyrýshylardyń aıtýynsha, shara barysynda Qazaqstan halqynyń ulttyq taǵamdarynyń keń assortımenti usynylady. Sondaı-aq qalalyq qoǵamdyq tamaqtaný oryndarynyń aspazdyq ónimderi úlestirildi.

Astananyń týǵan kúninda 37 jup nekesin qıdy
Astana kúnine oraı saltanatty neke qııý rásimin ótkizý ıgi dástúrge aınaldy. Mereke kúni «Atameken» Qazaqstan kartasy» etno-memorıaldyq kesheninde bir ýaqytta 37 juptyń nekesi qıyldy. Jas jubaılarǵa arnalǵan quttyqtaýlar aıtylyp, «Dýman» oıyn-saýyq ortalyǵynda kontserttik baǵdarlama uıymdastyryldy, syılyqtar berilip, júldeler utysy ótkizildi. Sonymen qatar, jastar vals bıledi.
Saltanatty neke qııý rásimi Astanada jetinshi jyl qatarynan ótkizildi. Jas jubaılar ómirindegi osynaý ataýly kúnniń mańyzdy memlekettik merekemen baılanysty bolatynyna qýanyshty ekenderin jetkizdi.

Astana aspanyna ondaǵan batpyraýyq ushyryldy

Batpyraýyqtar festıvali elorda turǵyndary men qonaqtary úshin keremet tartý boldy. Atalǵan shara qalamyzda alǵash ret Aqbulaq aýdanynyń saıabaǵynda ótkizilip jatyr. Búgin aspanǵa teńiz janýarlary, aıdaharlar jáne basqa da fantastıkalyq keıipkerler men ushatyn konstrýktsııalar ushyryldy.
Batpyraýyqtardy atalmysh sport túrinen halyqaralyq chempıondar basqarady. Astana turǵyndary men qonaqtary taza aýada jylandar bıine qanyǵyp, festıvalǵa ózderi de qatysýǵa múmkindik aldy. Uıymdastyrýshylardyń pikirinshe, festıval sharalar baǵdarlamasyn túrlendiretin erekshe oqıǵa bolyp, «jasyl» ekonomıka ustanymdaryn qoldaýǵa baǵyttalǵan. Aspanǵa ushyrylǵan batpyraýyqtar bambýk pen óńdelgen qaǵazdan jasaldy.

Úzdik kásipkerler marapattaldy
Qazaq «Jaqsylyq etken alǵys alady», deıdi. Al, 16 jasqa aıaq basqan Astananyń damýyna orasan úles qosyp, álem astanalarymen terezesi teń túsýine, básekege qabiletti qalaǵa aınalýyna aıanbaı ter tókken azamattar az emes. Qala kúni qarsańynda elordanyń úzdik ınvestorlary men kásipkerleri, metsenattary marapattaldy.
Imanǵalı Tasmaǵambetov, Astana qalasynyń ákimi:
«Kásipkerler el ekonomıkasynyń boıyna qan júgirtetin eń qajetti salanyń biri. Qoǵam da muny búgin tolyqtaı túsindi. Astana kúnimen shyn júregimnen quttyqtaı otyryp, tabystaryńyz jemisti bolǵaı, árdaıym bıikten kórine berińizder degim keledi».
Astanalyq «Úzdik kásipker», «Úzdik metsenat», «Úzdik ınvestor» ulttyq syılyǵy bıyl alǵash ret taǵaıyndalyp otyr. Jeńimpazdar áleýmettik jaýapkershiligi, qaıyrymdylyq sharalarǵa qatysyp, ınvestıtsııalyq jobalar ázirleýge qosqan eńbekterine qaraı baǵalandy.
Nurlan Áljanqulov, «Úzdik kásipker» atalymynyń jeńimpazy:
«Alıt» kompanııalar toby 1992 jyly qurylǵan. Búgingi kúni 22 jasta. Kásiporynda 200 astam adam isteıdi. Qurylys materıaldaryn óndiremiz. Zaýytymyz Astana qalasynda. Senimderińizdi aqtaýǵa tyrysamyz».

Elorda kóshelerinde jastar festıvali ótti
Elordanyń 16 jyldyǵy aıasynda alańdar men skverlerde halyqtyq serýen men jastarǵa arnalǵan sharalar uıymdastyryldy. «Mega Astana» oıyn-saýyq ortalyǵynyń aldyndaǵy alańda «Táýekel tolqyny» sporttyq demalysy ótkizildi. Shara barysynda qazaqstandyq jáne álemdik hıp-hop mádenıeti men sport ókilderi, parkýr, strıt vorkaýt, strıt bol jáne rollerler qozǵalysy syndy túrli ekstremaldy sport túrlerinen jeńimpazdar óz sheberlikterin ortaǵa saldy. 
Mundaı sharalar jastar arasynda sport pen salaýatty ómir saltyn keńinen dáripteýge yqpal etti. Festıval aıasynda qala turǵyndary men qonaqtary elordalyq jastardyń tynys-tirshiligimen, olardyń áýestigimen jáne sýbmádenıetterdiń qazirgi zamanǵy baǵyttarymen tanysty.

Astanada «EKSPO-2017 shyǵarmashylyq býlvary» merekelik sharasy ótti
6 shildede Astana kúnine oraı «Astanalyq» ortalyq mádenıet jáne demalys saıabaǵynda (Turan jáne Qabanbaı batyr dańǵyldary arasynda)  «EKSPO-2017 Shyǵarmashylyq býlvary» merekelik sharasy ótti. 
Uıymdastyrýshylar qala turǵyndary men qonaqtaryn uzyndyǵy 50 metrlik úlken kartına salýǵa qatysýǵa shaqyrdy. Biregeı polotno EKSPO-2017 kórmesine arnalǵan. Ár adam ózin sýretshi sezinip, tarıhta izin qaldyryp otyrdy. Kartınany salýǵa almatylyq sýretshi Serik Býksıkov ta óz úlesin qosty.
Shara aıasynda konkýrstar, suraq- jaýap saıystary, úlkender men balalarǵa arnalǵan bıden sheberlik synyptary, Serik Býksıkovten beıneleý óneri boıynsha sheberlik synyby uıymdastyrylyp, Astana EKSPO-2017 kórmesinen estelik syılyqtar taratyldy.
«Kún Álemi» qalalyq saıabaqtar festıvali ashyq aspan aıasynda ótti
Tańerteńnen bastap qalalyq saıabaqtarda merekelik baǵdarlama uıymdastyryldy. Tabıǵat aıasynda demalý úshin aýa raıy da laıyqty. Saıabaqtarda adamdardyń demalysyna qolaıly jaǵdaılar jasalǵan: qoǵamdyq tamaqtaný oryndary ashylyp, «Aýyzashar» ótkizýge de múmkindik bar. Sondaı-aq, sporttyq jabdyqtar men balalarǵa arnalǵan kólikterdi, velosıpedterdi jalǵa alýǵa múmkindik berildi.
5-7 shildede qalalyq saıabaqtar festıvali ótti. Oǵan elordanyń iri tórt parki qatysty. Uıymdastyrýshylardyń maqsaty saıabaqta demalýshylardyń kóńilin kóterip, olardy qyzyqty ınteraktıvti jattyǵýlar men oıyn-saýyqtarǵa tartý boldy. Ár saıabaqta jeke baǵdarlama usynyldy:
«Stýdenttik» saıabaǵy «Jadymnyń bulttary» retro baǵdarlamasy.
«Jeruıyq» saıabaǵy - «Álem juldyzdary» etno baǵdarlamasy.
Ǵashyqtar saıabaǵy «Mahabbattyń kúni» baǵdarlamasy.
Ortalyq mádenıet jáne demalys saıabaǵy «Jańa kókjıekter» art-baǵdarlamasy.
Tańerteńnen keshki 23:00 parkterde ár alýan oıyn-saýyq baǵdarlamasy ótkizildi: baıqaýlar, otbasylyq sporttyq jarystar, fleshmobtar, shyǵarmashylyq sheberlik synyptary, sýretshiler kórmeleri, kóshe teatrlarynyń qoıylymdary, kınoteatrlardyń ashylýy, shaǵyn shópte demalys aımaqtary, keshki bı keshteri, kınofılmder kórsetilimi, teatrlandyrylǵan perfomanstar, rolık tebý jáne t.b.

Astanada tátti festıval uıymdastyryldy
Búgin Kongress-holl saraıynda ótken kondıterler festıvali aıasynda kelýshilerdiń nazaryna tátti-dámdilerdiń túr-túri usynyldy. Sharaǵa kondıterlik ónim shyǵaratyn 20-dan astam kásiporyn qatysady. Festıval aıasynda 3 atalym bekitildi. Úmitkerlerdiń bári de joǵary deńgeıde sheberlik tanytty. «Úzdik tort» atalymynda «Aprel» JShS jeńiske jetti. «Úzdik rásimdeý» atalymynda «Pekarnıa Mıshelıa» top jardy, al «Úzdik kondıterlik ónim» nagradasy «Madlen» kondıterlik dámhanasyna buıyrdy. Jeńimpazdarǵa gramotalar men baǵaly syılyqtar tabystaldy.
Uıymdastyrýshylardyń aıtýynsha, festıvaldyń negizgi maqsaty Astanadaǵy kondıterlik óner dárejesin arttyrý, kondıterlik sheberlikti dáripteý. Atalmysh shara aspaz sheberlerge ózderiniń tátti týyndylary men tańdaýly taǵamdaryn keń aýqymda tanystyrýǵa jáne táttiqumar jandarǵa dámdi merekeni bastan ótkerýge múmkindik berdi.
Festıval kórme-jármeńke ótkizilip, daıyndalǵan taǵamdardan dám úlestirildi.

Astana qalasy TJD órt sóndirýshiler men qutqarýshylar murajaıy ashyldy
Qala kúni qarsańynda Astana qalasy Tótenshe jaǵdaılar departamentiniń órt sóndirýshiler men qutqarýshylar (qaıta jańartylǵan) murajaıynyń ashylý saltanaty ótti. Bul týraly astana.kz saıtyna qalalyq TJD baspasóz qyzmetinen habarlady. Murajaı óziniń burynǵy orynyna №2 Mamandandyrylǵyn órt sóndirý bólimine qaıta oraldy. Jańa orynjaı burynǵydan keń, munda 3 negizgi bólim bar.
Kórme zalynda Astananyń órtke qarsy qyzmetiniń qurylý tarıhymen tanysýǵa bolady. Departamenttiń qurylǵan kúninen bastap barlyq basshylardyń ómirbaıany jazylǵan stend jasaldy. Zalda 1950 jyly Astanadaǵy alǵashqy órt sóndirý deposynyń maketi, ofıtserlerdiń saltanatty kıimi, órt sóndirýsherdiń jaýyngerlik kıimderi, órt sóndirý-tehnıkalyq qarý jaraqtary: órt sóndirý oqpany men órt sóndirý jeńi bar.
Sonymen qatar, shara barysynda QR TJM memlekettik órtke qarsy qyzmet organdaryna jańa qyzmetkerler qabyldandy. Otanǵa degen adaldyqqa qatardaǵy jáne basshy quramnan 10 qyzmetker ant berdi.
Balalar úıleriniń tárbıelenýshileri Qala kúnine oraılastyrylǵan sharalardy tamashalaıdy
Merekelik sharalardyń keıbiri 5 jáne 6 shildede ótedi. Ony balalar úıleriniń tárbıelenýshileri, kóp balaly jáne turmysy tómen otbasylar da tamashalaı alady. Bul týraly astana.kz saıtyna Astana qalasynyń 16 jyldyǵyna arnalǵan merekelik sharalardy daıyndaý jáne ótkizý jónindegi uıymdastyrý komıtetiniń medıa-shtabynan habarlady.
Erteń «Qazaq eli» monýmentiniń aldyndaǵy alańda «Shýaqty qala» otbasylyq festıvali ashylady. Merekelik baǵdarlama eki kúnge jalǵasady. Shara barysynda «Shapıto» tsırki óner kórsetedi. Sondaı-aq, Aqbulaq aýmaǵyndaǵy saıabaqty aralap, batpyraýyqtar festıvalin tamashalaýǵa bolady.
Sonymen qatar, «Magic Astana» halyqaralyq sıqyrshylar festıvaliniń biri balalar úıleriniń tárbıelenýshileri, kóp balaly jáne turmysy tómen otbasylardan shyqqan balalar úshin kórsetiledi. Baǵdarlama sheńberinde aǵaıyndy Safronovtar, «Ýdıvı menıa» shoýyna qatysýshylar, daryndy sıqyrshylar Aleksandra Skachkova, Anton Abrashekov, Aleksandr Mýrataev, belgili ıllıýzıonıst Pavel Karahtanov óner kórsetedi.
Budan basqa, «Ýkraınanyń birinshi fenomeni» atanǵan Artem Tıhevıch, mentalıst Artem Tıhevıch, joǵary sanattaǵy qyrǵyz ıllıýzıonısti Ildar ıAgofarov, sondaı-aq, gollandııalyq ıllıýzıonıstter «MagicUnlimited» óz baǵdarlamalaryn kópshilik nazaryna usynady.

«Kerýen» motosherýine qatysýshylar Astanaǵa oraldy
Eýropa men Azııa elderine saıahat jasaǵan «Kerýen» motosherýine qatysýshylar Astana kúni qarsańynda elordaǵa oralady. Otandyq baıkerlerdiń saltanatty quttyqtaý rásimi erteń saǵat 11:00 Táýelsizdik saraıy aldyndaǵy alańda «Shýaqty qala» qalalyq otbasylyq festıvali aıasynda ótedi.
Eske salaıyq, 2014 jylǵy 21 mamyrda «Kerýen» motosherýi Eýropaǵa baǵyt alǵan bolatyn. Keń aýqymdaǵy aktsııa qatysýshylary 20 eldi aralap, Eýropa men Azııa turǵyndaryna Qazaqstannyń basym jobalary týraly jarııalap, Astana kúni kezinde qalaǵa oralýy tıis bolatyn. Saıahatshylar Reseı, Fınlıandııa, Shvetsııa, Norvegııa, Frantsııa, Italııa elderin aralap, basty qazaqstandyq bastamalar biregeı G-Global alańy men «EXPO-2017» halyqaralyq kórmesi týraly sheteldikterdi tanystyratyn kezdesýler ótkizdi.
Reseı, Qyrǵyzstan jáne Ázerbaıjan KVN komandalary «Astana kýbogyn» sarapqa salady
Astaanada qala kúnine oraı ondaǵan merekelik shara uıymdastyrylyp jatyr. Sonyń ishindegi kóńildi oqıǵalardyń biri «Astana kýbogy» ekinshi qazaqstandyq KTK festıvali. Bul týraly astana.kz saıtyna Astana qalasynyń 16 jyldyǵyna arnalǵan merekelik sharalardy daıyndaý jáne ótkizý jónindegi uıymdastyrý komıtetiniń medıa-shtabynan habarlady. KTK komandalarynyń festıvali aıasynda "Sbornaıa RÝDN" (Máskeý), "SOıÝZ"(Túmen), "Azııa MIX" (Bishkek), "Qazaqstannyń jańa quramasy" (Astana), "Sbornaıa Baký" (Ázerbaıjan) komandalary jarysqa túsedi.
Tanymal KVN komandalary qala turǵyndary men qonaqtaryna tamasha kóńil-kúı, rııasyz kúlki syılamaq.
Merekelik shara 3 shildede saǵat 18:00 Kongress-hollda ótedi.

Elordada «Astanaǵa tartý» atty elimizdiń úzdik dástúrli án oryndaýshylarynyń kontserti ótti
Qazaq ejelden dástúrli ánderge baı, ony naqyshyna keltire oryndaıtyn talanttarǵa da kende emes. Ǵasyrlar boıy sýyryp salma aqyndar men jyrshy-termeshiler halyq ánderiniń negizin saqtap, ony urpaqtan-urpaqqa jetkizip otyrǵan.
Elordada Astananyń 16 jyldyǵy qarsańynda «Astanaǵa tartý» kontserti ótip, onda Qazaqstannyń dástúrli ánder mektebiniń oryndaýshylary óz ónerlerin ortaǵa saldy.
Kórermender aldynda aımaqtardan kelgen ártistermen birge ózge memleketterden kelgen qazaqtar da ózderiniń oryndaýshylyq sheberlikterin tanytty. 4 shildede saǵat 18.30 Kongress-holl sahnasynda Arslanbek Soltanbek (Reseı), Erlan Rysqalı (Astana), Serjan Musaıyn (Qaraǵandy), Berik Júsipov (Qyzylorda), Klara Tólenbaeva (Astana), Elmıra Jańabergenova (Astana), Qaırat Kákimov (Atyraý), Jetkizgen Seıitov (Mańǵystaý), Qurmanbek Bekpeıisov (Qyzylorda), Jáken Omarov (Shymkent), Ibragım Eskendir (Astana), Tileýles Qurmanǵalıev (Almaty), Aqan Ábdýalıev (Almaty), Yrysty Súleımenova (Astana), Serik Ospanov (Astana), Alǵysbek Dáýen (Almaty) jáne basqa eńbek sińirgen ártister men óner qaıratkerleri án shyrqady.
Dástúrli qazaq mýzykasynyń keshi halyq áni ónerin súıer qaýymǵa keremet kóńil-kúı syılady.

Qala kúnine oraı sharlarmen erekshe fýtbol jarysy ótti
Qazaqstanda jańa sport túri paıda boldy - Bamper Bol. Bul oıynǵa qatysýshylar arnaıy sferalardy kıip alyp, qarsylasynyń qaqpasyna dop soǵýǵa tyrysady. Fýtboldyń erekshe túri kóptegen shet memleketterin baǵyndyryp úlgerdi. Endi Astana kúni qarsańynda qala turǵyndary men qonaqtarynyń nazaryna usynylmaq.
Erekshe fýtboldyń birinshi matchy 2011 jyldyń sońynda Norvegııada ótken bolatyn. Sodan beri attraktsıon halyq arasynda keńinen tanymal. Oıyn barysynda «fýtbolshylardyń» aıaǵy ǵana bos bolady, sondyqtan tepe-teńdikti saqtaý qıyn. Sharmen fýtbol oınaýdyń bar qyzyǵy da sol. Tipti, jarys sýmo balýandarynyń kúresine de uqsaıdy. Oıynnyń uzaqtyǵy - 30 mınýt. Oǵan 5 jastan joǵary balalardyń da qatysýyna boaldy. Bul sport túrinde jaraqattar bolmaıdy.
Merekelik shara 5, 6, 7 shildede «Qazaq eli» monýmentiniń aldyndaǵy alańda ótti. 

Elordada «Astanadan taǵzym» ádebı keshi ótti
3 shildede saǵat 17.00 «Jastar» saraıynda Astana qalasynyń Tilderdi damytý basqarmasy Turar Rysqulov, Sultanbek Qojanuly, Sáken Seıfýllın, Beıimbet Maılın, Іlııas Jansúgirovterdiń týǵanyna 120 jyl tolýyna oraı «Astanadan taǵzym» atty ádebı-sazdy kesh uıymdastyrdy. Merekelik sharada kórneki jazýshylarǵa arnalǵan beınesıýjetter kórsetildi. Uıymdastyrýshylardyń aıtýynsha, keshtiń maqsaty memlekettik tildiń mártebesi men mańyzyn halyq arasyna keńinen nasıhattaý, uly tulǵalardyń beıneleri arqyly jastardyń qazaqstandyq avtorlardyń shyǵarmashylyǵyna qyzyǵýshylyqty oıatý bolǵan. Keshte Sáken Maıǵazıev, Ardaq Balajanova, Lena Ábdihalyqova, Serik Ospanov jáne t.b. ánshiler án aıtyp, jas kúıshiler ónerlerin kórsetti.

Astanada jańa erekshe mýzeı ashyldy
Qazaqstan Respýblıkasy Ulttyq mýzeıiniń resmı ashylýy elimizdiń mádenı ómirindegi aıtýly oqıǵa. Ǵımarat 74 myń sharshy metrden astam jerde ornalasqan jáne Ortalyq Azııada balamasy joq biregeı joba.
Mýzeıdiń ashylý saltanaty búgin ótedi. Elorda turǵyndary men qonaqtary 6 shildege deıin ony tegin tamashalaı alady.
Mýzeıdiń shaǵyn májilis zalynda Reseı, Qytaı, AQSh, Ulybrıtanııa, Ázerbaıjan, Ózbekstan, Qyrǵyzstan jáne Monǵolııa elderiniń belgili óner qaıratkerleriniń qatysýymen baspasóz máslıhaty ótedi.
Al úlken májilis zalynda «Mýzeılerdiń mádenıetterdiń jaqyndasýyndaǵy róli» dep atalatyn halyqaralyq ǵylymı sımpozıým óz jumysyn bastaıdy. Kesh «Uly Jibek jolymen saıahat» baǵdarlamasymen este qalmaq. Osy maqsatta mýzeı aýmaǵy Jibek jolynda jatqan ortaǵasyrlyq qalalarǵa bólinedi. Budan basqa, sýretshiler men qolónershiler sheberlik synyptaryn ótkizedi, al qonaqtar ulttyq kıimderde sýretke túse alady, ulttyq oıyndarǵa qatysady, qazaq ulttyq taǵamdarynan dám tatady.
Ulttyq mýzeıdiń quramynda Astana, Táýelsiz Qazaqstan, Altyn, Ejelgi jáne ortaǵasyr tarıhy, Etnografııa, Tarıh, Zamanaýı óner zaldary bar. Sondaı-aq, Qazaqstannyń erte ǵasyrdan búgingi kúnge deıingi arheologııalyq, etnografıkalyq jádigerleri men mádenı eskertkishteri jınaqtalǵan. Osy zaldarda usynylǵan negizgi ekspozıtsııalardan basqa, Qala kúnine oraı Ulttyq mýzeı áriptesteriniń, atap aıtqanda, Reseı etnografııalyq mýzeıi men Máskeý qalasynyń «ROSIZO» Memlekettik mýzeı-kórme ortalyǵynyń, QR Sýretshiler odaǵynyń kórmelerin ashý josparlanǵan.
Sonymen qatar, Qazaqstan qolónershileriniń jármeńkesi, «19-20 ǵasyrlar toǵysyndaǵy qazaqtar» muraǵat sýretteriniń kórmesi, Vengrııa sýretshisi Djýdıt Poks pen Reseı sýretshisi ıAna Volkovanyń kıizden jasaǵan jumystarynyń fotokórmesi, QR eńbek sińirgen óner qaıratkeri Sáýle Bapanovanyń «Seıhýn tolqyndary» atty kıizden jasalǵan kıimderiniń jıyntyǵynyń kórsetilimi uıymdastyrylady.
Aıta keteıik, Mýzeı halyqaralyq standarttarǵa saı jabdyqtarmen jaraqtandyrylǵan.
Ekspozıtsııalar úshin zamanaýı kórme tehnologııalary: biregeı ıilgish ekran, medıa-eden, qazirgi Astananyń ortalyq bóliginiń serpindi maketi, kóptegen medıaekrandar, gologrammalar, dıodty jaryǵy bar LED-tehnıka, sensorly dúńgirshekter, mýltımedııalyq jolserik qoldanylady.

"Astananyń úzdik taýary - 2014" baıqaýyna 45 kásiporyn qatysty
Túrli salalarda qyzmet etetin elordalyq shaǵyn jáne orta bıznes ókilderi óńirlik kórme-baıqaýda óz taýarlary men ónimderin usynyp, «Astananyń úzdik taýary - 2014» ataǵyn sarapqa saldy. Kongress-holl saraıynyń foıesinde astanalyq shyǵarmashylyq ujymdar óner kórsetti.
«Baıqaýǵa úsh atalym boıynsha Astananyń 45 óndirýshisi qatysady. Olardyń qyzmet etý jáne óndiris salalary ártúrli, shujyq, nan ónimderin shyǵarýdan bastap, jabdyqtar, arnaıy kıim-keshekter men terezeler jáne t.b. deıin», - dedi Astana qalasynyń Kásipkerlik jáne ónerkásip basqarmasynyń ónerkásipti damytý bóliminiń basshysy Vera Grıgoreva.
«Usynylǵan ónimdi baǵalaý úshin arnaıy komıssııa quryldy, onyń quramyna qalalyq Kásipkerlik jáne ónerkásip basqarmasynyń, tutynýshylardyń quqyǵyn qorǵaý qoǵamynyń, ulttyq kásipkerler palatasynyń jáne basqa da qoǵamdyq uıymdardyń ókilderi endi. Olar elordada óndiriletin taýarlardyń sapa standarttaryna qanshalyqty sáıkes keletinin tekseredi», - dedi ol.
«Óndiristik maqsattaǵy úzdik taýarlar», «Halyqqa arnalǵan úzdik taýarlar» jáne «Úzdik azyq-túliktik taýarlar» atalymdary boıynsha jeńimpazdar anyqtaldy. 3 shildede baıqaý-kórmeniń jabylý saltanatynda jeńiske jetken kásipkerler dıplomdarmen, kýboktarmen jáne baǵaly syılyqtarmen marapattaldy, sondaı-aq, júldegerler respýblıkalyq kezeńge joldama aldy.

Elordada «Án men kúı áldıleıdi Astanany» merekelik kontserti ótti
Elordada Kongress-holl saraıynda Ońtústik Qazaqstan oblysynyń shyǵarmashylyq ujymdarynyń qatysýymen «Án men kúı áldıleıdi Astanany» atty merekelik kontsert ótti. Bul Astananyń 16 jyldyǵyna arnalǵan keremet tartý boldy.
Kontserttik baǵdarlama birneshe kezeńge bólingen. Ár kezeńge ánshiler, «Súgir» ulttyq mýzyka aspaptary orkestriniń mýzykanttary, «Tumar» folklorlyq ansambli jáne oblystyq opera jáne balet teatrynyń «Qazyna» bı ansambliniń ártisteri qatysty. 

Astananyń sýretin sózben salǵan aqyndar marapattaldy
Qala kúni qarsańynda elordada parasatty poezııa toıy ótti. Eńseli el astanasyna óleń arnap, eldik pen erlikti jyr etken aqyndar Astana tórinde bas qosty. Osylaısha 70 jýyq aqyn qatysqan «Máńgilik el - ult murasy» atty jyr músháırasy qorytyndylanyp, oza shapqan qalamy qarymdy aqyndar marapattaldy.
Nesipbek Aıt, aqyn:
«Jetpisten arta aqyn qatysty. Shetelik aqyndardyń shyǵarmalary kelip tústi. QHR Serik Núsipov, Mońǵolııadan Shynaıyr Raqmetuly degen aqyndar osy báıgege ilindi. Bıylǵy jyldyń ereksheligi jastar kóp qatysty. Bas júlde alyp, jeńimpaz atanǵan aqyndar osal emes. Osy báıge arqyly jańa aqyndardyń esimin ashtyq pa dep qýanyp otyrmyz».
Aqyndarǵa taqyryp aıasyn qamtyp, halyqtyń ótkenin óleńge qosyp, bolashaqtyń tynysyn jyrlaý mindettelipti. Erkin kósile almaı, taqyryptyń aınalasynan shyǵa almaǵan aqyndar jyr báıgesinen súrinip, aqtyq márege óte almaǵan.
Baltabek Nurǵalıev, yntalandyrý syılyǵynyń ıegeri:
«Baıqaýda «Alyp dińgek Otanym» degen óleńimmen yntalandyrý syılyǵyn aldym. Odan basqa kóp óleń jibergenmin. Elbasyna arnalǵan «Máńgilik el» atty ballada, «Nur», «Mór» degen óleńderim bar».
Arman Sherızatov, bas júlde ıegeri:
«Bas júldeni baǵym men babym kelisip Qudaıdyń qalaýymen alǵan bolarmyn. Sımvolıkalyq óleń dep baǵalap jatty. Basqa da músháıralarǵa qatysyp júrmin. Biraq, jas ereksheligi eseptelmegen jarysta úlken báıgeni alǵash ret aldym».
Astananyń sýretin sózben salǵan aqyndar ishinde semeılik aqyn Arman Sherızatov top jardy. Sondaı-aq, júldeli 1, eki ekinshi jáne úsh úshinshi oryn ıegeri bar. Odan bólek uıymdastyrýshylar yntalandyrý syılyqtary men arnaıy syılyqpen de aqyndar qanjyǵasyn maılady. Sulý sózben óleń órgen jyr dúldúlderine Seıit Qasqabasov, Qoıshyǵara Salǵarauly, Ońaıgúl Turjanova, Nesipbek Aıt syndy jyr alyptary qazylyq etken.