Astana tańy (FOTO)
ASTANA. QazAqparat - Astana - arý qala. Jyldyń qaı maýsymynda bolmasyn óz ásemdiginiń jańa qyryn asha túsedi, kóz tartady. Ásirese, kúzgi kórinisteri ǵajaıyp.
Baý-baqtardaǵy, jol boıyndaǵy, aýladaǵy altyn japyraqtary kózdiń jaýyn alatyn sulý qaıyńdar, olardy túrlendire túsken qaraǵaı men shyrshalar ózine tartady. Al kókke boı sozǵan, sáni men saltanaty jarasqan ǵımarattardy aıtsańyzshy.
Alys ta jaqyn elderden kelgen qonaqtardyń da tamsanyp, tańdaı qaǵary, joly tússe aı sáýleli Astanaǵa qaıta bir oralýǵa tyrysary da anyq. Al qala turǵyndarynyń tynys-tirshiligi de qalypty. Tańerteń erte jumysqa asyqan jandar, ásem joldarda ary-beri aǵylyp jatqan kólikter.
Al saıabaqtarda - naǵyz altyn kúz. Ǵajaıyp maýsymnyń sulýlyǵy tap osy jerden bastalatyndaı.
