«Astana-tańdaýy» jeńimpazdary qundy jáne eskertkish syılyqtar alady
ASTANA. 12 maýsym. QazAqparat - «Astana Tańdaýy» jalpyqalalyq baıqaýynyń jeńimpazdary halyq súıispenshiligine bólenýden basqa, materıaldyq syılyqtarǵa da ıe bolady.
Ár atalym boıynsha jeńimpaz Astana qalasy ákiminiń gramotasyn, planshetti kompıýter, Býrabaı shıpajaıyna joldama men aty jazylǵan músinshe alady. Bul týraly Astana qalasynyń resmı saıty habarlady.
Sonymen qatar, ár jeńimpaz respýblıkalyq arnalardan kórsetiletin arnaıy qysqa derekti fılmge túsiriletin bolady. Al kásibı árleýshiler men fotosýretshiler fotosessııa ótkizip, portfolıo daıyndaıdy.
Sondaı-aq, jeńimpazdarǵa Astana qalasynyń 15 jyldyq mereıtoıyna oraı ótkiziletin kontsertterdiń bıletteri tabystalady.
Eske salaıyq, «Astana Tańdaýy» baıqaýyna daýys berý elorda ákimdiginiń www.astana.kz. resmı ınternet resýrsynda 10 maýsymǵa deıin ashyq boldy. Úzdik muǵalimdi, dárigerdi, ýchaskelik ınspektor men qurylysshyny, jolshy men qoǵamdyq kólik júrgizýshisin jáne energetıkti tańdaý 2013 jyldyń 25 maýsymyna deıin jalǵasady.
Eki kúnde Astana turǵyndary úzdik jumysshylar úshin 2 500-ge tarta daýys berdi. 7 atalymnyń arasynda muǵalimder men dárigerler kósh bastaýda.
