«Astana Tańdaýy» úzdikterdi anyqtaıdy
ASTANA. QazAqparat - Elordada turǵyndardyń kóńilinen shyqqan úzdikterdi anyqtaıtyn jyl saıynǵy «Astana Tańdaýy» baıqaýy bastaldy.
Bul týraly astana.kz saıtyna elorda ákimi apparatynyń baspasóz qyzmetinen habarlady.
«Astana Tańdaýy» jalpyqalalyq baıqaýy - biz kúndelikti ómirde kórip júrgen adamdardyń qaısarlyǵy men erligi týraly tarıh. Olar qajyrly eńbekterimen, maqsatkerligimen jáne is-qımyldarymen qoǵamnyń gúldenýine septigin tıgizip, turaqtylyq pen elimizdiń bolashaǵynyń senimdi irgetasyn qalap keledi. Shynaıy oqıǵalarǵa negizdelgen qarapaıym adamdardyń janqııarlyǵy men batyrlyǵy týraly tarıh elorda turǵyndaryna rýh berip, olardy toptastyra túsedi.
«Astana Tańdaýy» baıqaýy alǵash ret Astana qalasynyń ákimi Imanǵalı Tasmaǵambetovtiń bastamasymen 2012 jyly ótkizildi. Sodan beri baıqaýǵa júzdegen adam qatysyp, myńdaǵan astanalyq daýys berdi.
Bıyl qatysýshylardy olardyń joǵary kásibı deńgeıin sezingen elorda turǵyndary usynatyn bolady. Ár jeńimpazdyń sińirgen eńbegi týraly áńgimeleıtin shaǵyn fılmder túsirilip, respýblıkalyq telearnalardyń efırine shyǵarylady. Jeńimpazdar men olardyń jetistikteri Astana qalasynda áleýmettik jelilerde, bılbordtarda jáne qoǵamdyq kólikterde kórsetiledi.
Bıylǵy «Astana Tańdaýy» jalpyqalalyq baıqaýyna qatysýǵa ótinishter qabyldaý bastaldy jáne kóktemniń sońyna deıin jalǵasady. Daýys berý 1 maýsymnan bastalady. Baıqaý qorytyndysyn elorda basshysy Imanǵalı Tasmaǵambetov Astana kúni qarsańynda jarııalaıdy.
