«Astana tańdaýy» baıqaýyna ázirshe 160-tan astam adam úmitker
ASTANA. 6 maýsym. QazAqparat - «Astana tańdaýy» baıqaýy qala turǵyndary arasynan 7 mamandyqtyń úzdikterin izdeýdi jalǵastyrýda. Búginge deıin «Astana tańdaýy» qalalyq baıqaýynyń «úzdigi» atanýǵa laıyqtymyn degen 160 adamnnan ótinish tústi, dep habarlady astana.kz.
Sol úmitkerlerdiń biri - Astana qalasy ІІD Almaty aýdandyq ishki ister basqarmasynyń № 5 polıtsııa bólimshesiniń ýchaskelik ınspektory Almas Kúlpeıisov. Polıtsııa kapıtany 2013 jyldyń birinshi toqsanynda jeke izdestirý sharalary arqyly bir qylmystyq isti áshkerelese, turmystyq quqyq buzý salasy boıynsha 20 buzaqyny aldyn-ala tirkeýge qoıǵan. Sonymen qatar ol 181 quqyq buzýshylyqty anyqtaǵan.
Ýchaskelik ınspektordyń qyzmeti jandanyp, el arasyndaǵy bedeli jyldan-jylǵa artyp keledi. Ol ózine tıesili ákimshilik aýmaǵynynda 5 ret turǵyndarmen kezdesip, qoǵamdyq tártipti qadaǵalap, turǵyndar ómiri men densaýlyǵyn qorǵaýda adal qyzmet etip keledi. Sol eńbegi úshin turǵyndar tarapynan 15 alǵys hat alǵan.
Almas Kúlpeıisov «Astana tańdaýy» baıqaýynyń «Úzdik ýchaskelik ınspektor» atalymyna úmitker. Eske salaıyq, jalpy 7 atalym úmitkerlerine 10-25 maýsym aralyǵynda Astana qalasy ákiminiń resmı saıtynda www.astana.kz daýys bere alasyzdar.
