«Astana Tańdaýy - 2014» baıqaýynda 250 qatysýshy baq synaıdy
ASTANA. QazAqparat - Búgin «Astana Tańdaýy - 2014» baıqaýyna ótinishter qabyldaý aıaqtalady. Bul týraly astana.kz jazady.
Sáýir aıynan bastap 31 mamyrǵa deıin baıqaýǵa qatysýǵa nıetti adamdar jeti atalym boıynsha ótinishterin usyndy. Erteń, 1 maýsymda, Astana qalasy ákimdiginiń saıtynda pedagogtar, dárigerler, jol salýshylar, energetıkter, jolaýshylar kóliginiń júrgizýshisi, ýchaskelik ınspektor men qurylysshylar arasynda úzdikterdi anyqtaý boıynsha ashyq daýys berý bastalady.
Obektıvti daýys berýdi qamtamasyz etý úshin árbir elorda turǵyny Astana qalasy ákimdiginiń saıtynda bir elektrondy mekenjaıdan bir ǵana daýys bere alady. Osylaısha daýys berý arqyly naǵyz kóshbasshylar anyqtalady.
Qazirgi ýaqytta uıymdastyrýshy komıtetke 250 ótinish kelip tústi. Ár atalym boıynsha úzdikter 1-20 maýsym aralyǵynda Astana ákimdiginiń www.astana.gov.kz saıtynda tańdalady.
Eske salaıyq, «Astana Tańdaýy» baıqaýynyń jeńimpazdary halyqtyń tanymyna ıe bolyp, Astana qalasynyń ákimi óz qolymen kýbok tabystaıdy, basqa da kóptegen tosyn syı usynylady.
