«Astana Tańdaýy-2014» baıqaýyna Reseı men Ózbekstan turǵyndary da daýys berýde
ASTANA. QazAqparat - «Astana Tańdaýy-2014» baıqaýyna qatysýshylar úshin kórshi memlekettiń turǵyndary da daýys berýde, dep jazady astana.gov.kz.
«Óz tańdaýyńdy jasa, eń úzdigin anyqta!» uranymen ótip jatqan «Astana Tańdaýy» dástúrli baıqaýyna elorda turǵyndary tarapynan qyzyǵýshylyq artyp otyr.Áleýmettik mańyzdy mamandyqtardyń úzdikterin anyqtaýǵa baǵyttalǵan joba qazaqstandyqtardyń da, kórshi memlekettiń turǵyndarynyń da nazarynda. Daýys berý úrdisine Reseı men Ózbekstan paıdalanýshylary da belsendi qatysyp jatyr. Olar baıqaýǵa qatysyp jatqan áriptesteri men dostaryna qoldaý kórsetýde.
1 maýsymda Astana qalasy ákimdiginiń saıtynda ashyq halyqtyq daýys berý bastaldy. Barynsha obektıvti daýys berýdi uıymdastyrý maqsatynda ár adam bir elektrondy mekenjaıdan bir ret qana daýys bere alady. Osylaısha, daýys berý obektıvti túrde júrgiziledi jáne mamandyqtar boıynsha úzdik mamandar anyqtalady.
Qazirgi ýaqytta daýystar sanyna qaraı ár atalym boıynsha áleýetti kóshbasshylar belgili boldy. Keıbir pedagogtar úshin 10 myńnan astam adam daýys bergen. Daýys berýdiń qorytyndysy 20 maýsymda shyǵarylady. Naq osy kúni daýys berý aıaqtalady.
