Astana taksı júrgizýshi áıelder sany jaǵynan kósh bastap tur
ASTANA. QazAqparat - Qazaqstanda taksı júrgizýshi áıelder sany jaǵynan Astana TOP-10-dyń kóshin bastady, dep habarlaıdy QazAqparat inDriver jolaýshylardy tasymaldaý halyqaralyq qyzmetine silteme jasap.
Halyqaralyq taksı júrgizýshisi kúni qarsańynda atalǵan uıym Qazaqstanda zertteý júrgizdi. Zertteý jumysyna elimizdegi inDriver servısi bar 28 qala qatysty.
«Eger taksı qyzmetin paıdalanýshy jolaýshylardy alǵanda áıelder men er adamdar kórsetkishi teńdeı tússe, taksı júrgizýshi retindegi áıelderdiń paıyzy jyl sanap artyp keledi. Bul saladaǵy qyzmettiń árbir 20-synshy tapsyrysyn áıel taksıster oryndaıdy. Bizdiń zertteýimizge sáıkes Qazaqstandaǵy taksıst áıelder reıtıngin 4,8% kórsetkishpen Astana qalasy bastady, - delingen habarlamada.
Qazaqstandaǵy taksıst áıelder sanynyń kórsetkishi boıynsha TOP-10 qala reıtıngi:
1. Astana - 4,80%
2. Qaraǵandy - 4,75%
3. Pavlodar - 4,25%
4. Qostanaı - 4,20%
5. Kókshetaý - 4,17%
6. Ekibastuz - 3,93%
7. Temirtaý - 3,93%
8. Oral - 3,41%
9. Aqtóbe - 3,15%
10. Almaty - 3,08%
Aıta ketsek, 22 naýryz halyqaralyq taksı júrgizýshileri kúni. Bul mereke alǵash ret 1907 jyly Londonda atalyp ótti.
