Astana taǵy da tsırk óneriniń ortalyǵyna aınalmaq

ASTANA. 4 maýsym. QazAqparat - Mine, birneshe jyl qatarynan qala kúni merekelik is-sharalary qatarynda Astanada úzdik tsırk ártisteriniń basyn qosatyn halyqaralyq tsırk festıvali ótýde. «Azııa jańǵyryǵy» halyqaralyq tsırk festıvali tsırk óneriniń ortalyǵy retinde mereıtoılyq elordany tanyta túsýde. Uıymdastyrýshylardyń aıtýynsha, festıval baǵdarlamasy Qazaqstannyń halyqaralyq deńgeıdegi mádenı jetistikteriniń birine aınalmaq.

Bul týraly elordanyń 15 jyldyǵyn merekeleý jónindegi medıa-shtabtan habarlady.

Astananyń 15 jyldyq mereıtoıyna arnalǵan «Azııa jańǵyryǵy» halyqaralyq tsırk festıvali aıasynda Astanalyq tsırk qala turǵyndary men qonaqtaryna tsırk «juldyzdarynyń» jáne álemdik deńgeıdegi úzdik júrgizýshi ártisterdiń qatysýymen biregeı baǵdarlama usynýdy josparlap otyr.

Bul Reseı, Italııa, Belarýs, Germanııa, Latvııa, Ýkraına, Ózbekstan, Qytaı jáne Qazaqstannyń úzdik tsırk nómirleriniń jıyntyǵy bolmaq. Festıval baǵdarlamasynda áýe gımnasshylary, attraktsıondar, ekzotıkalyq jan-janýarlar, asqan sheber jonglerler, akrobattar jáne saıqymazaqtar bar. Tsırk balalyq shaqty eske salyp, tańǵajaıypqa sendirip, adamnyń múmkindiginiń sheksizdigin taǵy da bir dáleldeı túsedi.

Qazylar alqasynyń quramynda Italııa, Belarýs, Ýkraına, Germanııa, Qytaı, jáne TMD elderindegi tsırk óneriniń tanymal tulǵalary bar. Uıymdastyrýshylardyń pikirinshe, «Azııa jańǵyryǵy» halyqaralyq tsırk festıvali tsırk óneriniń has sheberleri men jankúıerleriniń nazaryn ózine aýdarmaq.