Astana sýburqaq keshenderi qysqa daıyndalýda
ASTANA. QazAqparat - Elordada 1 qazannan bastap sýburqaq keshenderin qysqa daıyndaý jumystary bastaldy. «Astana-Zelenstroı» AQ qyzmetkerleri atalǵan keshenderdi kóktemge deıin saqtaý úshin qajetti tazartý protsedýralaryn jasap, qondyrǵylardy alyp tastady, konstrýktsııanyń keıbir bólikteri aǵash tósenishpen jabylady.
Qala ákimdiginiń saıtynyń habarlaýynsha, «Astana-Zelenstroı» AQ 40 sýburqaq keshenine, 112 sýburqaqqa qyzmet kórsetedi, «Almaty» aýdanynda - 14, «Esil» aýdanynda - 16, «Saryarqa» aýdanynda - 10 sýburqaq kesheni bar.
Sý sharýashylyǵy qurylystaryn qysqa daıyndaý aýa temperatýrasy noldi quraǵanda bastalady. Sebebi aıazdyń saldarynan tehnıka búlinýi múmkin. Sýburqaqtardy konservatsııalaý jónindegi mamandardyń jumysy qıyn, olarǵa 1 aıǵa jýyq ýaqyt qajet. Tıisti jumystar 1 qarashada aıaqtalady.
Qazirgi kezde 30 sýburqaq pen 4 sýburqaq kesheni qysqy kezeńge tolyq daıyn. Atap aıtqanda, Mýzykalyq sýburqaq, Sýly-jasyl jelekjolyndaǵy sýburqaqtar kesheni, «AqOrda», Ǵashyqtar, Araı jáne t.b. saıabaqtardaǵy sýburqaqtar.
