Astana sý tasqynyna daıyndalýda
ASTANA. QazAqparat - Astana qalasy Tótenshe jaǵdaılar departamenti jergilikti atqarýshy organdarmen birlese kóktemgi sý tasqynyn ótkizýge daıyndyq sheńberinde problemalyq ýchaskelerdi aralaý jumystaryn bastady.
Elordada sý tasqynyna kóbinese jeke turǵyn sektorlary ushyraıdy, dep habarlaıdyastana.kz.
Kishi Taldykóldiń sý jınalatyn aýdanyna shyǵý barysynda sý jınaǵyshta jınalǵan sýlardy buryp aǵyzyp jiberý jáne Turan dańǵyly boıymen qorǵaý dambasyn kóterý máselesi qaraldy.
Atqarylatyn is-sharalar kóktemgi sý tasqynyna baılanysty tótenshe jaǵdaılardyń aldyn alýǵa, sonymen qatar merdigerlik mekemelerdiń atqarǵan jumystaryna baqylaý jasaýǵa múmkindik beredi.
Mamandardyń aıtýynsha, sý tasqynynyń aldyn alý maqsatynda jeke turǵyn sektorlarynyń turǵyndaryna óz úıleriniń shatyryndaǵy jáne aýladaǵy qardy, jaqyn aýmaqtaǵy óz qorshaýynan jol boıyna deıingi qardy tazalap, júretin joldyń shetine deıin shyǵaryp, aldyn alý sharalaryn qolǵa alýlary qajet.
Sý basý ketý týraly habarlama alǵanda shatyrǵa nemese basqa qaýipsiz orynǵa, joǵary qabatqa qundy zattardy jáne azyq-túlikterdi aparý; ózińizben alyp júrýge qajetti zattardy (qujattardy jáne aqshany sý sińbeıtin paketke túıý) jáne qundylyqtardy, 2-3 kúnge jeterlik azyq-túlikti býyp -túıip, daıyndaý;
Sonymen qatar, úrlenetin matrastar, kameralar, plastmastan jasalynǵan kanıstrler jáne bótelkelerdi, pyshaq pen arqan da daıyndaý kerek.
