Astana sý qoımasyna qatysty eshbir syn bolǵan joq - ІІM
NUR-SULTAN. QazAqparat - Nur-Sultan qalasyn qorǵap turǵan sý qoımasyna qatysty baqylaýshy qyzmetter eshbir syn bildirgen joq. Bul týraly Ortalyq kommýnıkatsııalar qyzmetinde ótken baspasóz máslıhatynda Іshki ister mınıstriniń orynbasary ıÝrıı Ilın málim etti, dep habarlaıdy QazAqparat tilshisi.
«Dál qazir astanadaǵy sý qoımasynyń tolýyna basa mán beretin bolamyz. Kúni keshe ǵana sekýndyna 900 tekshe metr sý qarqyndy kelip jatqanyn bildik. Apatty jaǵdaılarǵa jol bermeý maqsatynda Aýyl sharýashylyǵy mınıstrliginiń Qazsýshar bólimshelerimen birlesip, profılaktıkalyq sý aǵyzý jumystaryn júzege asyrdyq», - deıdi ıÝrıı Ilın.
Vıtse-mınıstrdiń aıtýyna qaraǵanda, Nur-Sultan qalasyn qorǵap turǵan kontrregýlıator baqylaýshy qyzmetter tarapynan eshqandaı synǵa ushyramaǵan.
«Ózderińiz biletindeı, ótken jyly biz sý qoımasyna 270 mıllıon tekshe metr sý jınaǵan edik. Qazir bizde aıtarlyqtaı qor bar», - dedi ol.
Eske sala ketsek, buǵan deıin Іshki ister mınıstriniń orynbasary ıÝrıı Ilın el óńirlerindegi sý tasqynyna qatysty jaǵdaıdy aıtyp berdi.
