«Astana sý arnasy» jas mamandardy jumysqa tartýǵa múddeli
ASTANA. 17 maýsym. QazAqparat - «Astana sý arnasy» jas mamandarǵa, sondaı-aq, JOO túlekterine kásiporyn bazasynda óndiristik tájirıbeden ótýdi usynady, dep habarlaıdy kompanııanyń baspasóz qyzmetinen.
Kásiporynda elordalyq sý arnasynyń ónimdi jumys isteýin qamtamasyz etý úshin qajetti ınjenerlik-tehnıkalyq mamandar tapshy.
Búgingi tańda kásiporynǵa baqylaý-ólsheý aspaptary jáne avtomatıka (BÓQjA) ınjenerleri, sý tartatyn jáne káriz jelini paıdalaný jónindegi ınjenerler, Ortalyq-dıspetcherlik qyzmet dıspetcherleri, ınjener-tehnologtar, tártip tobynyń ınjenerleri, sondaı-aq basqa tehnıkalyq qyzmetkerler qajet.
«Astana sý arnasynyń» ónimdi jumys isteýi úshin jumysqa qabyldaýda negizinen «Sýmen jabdyqtaý jáne káriz» mamandyǵy boıynsha joǵary biliminiń bolýy mańyzdy bolyp tabylady.
Kásiporyn bos oryndarynyń tolyq tizbesi «Astana sý arnasy» saıtynda «Bos oryndar» taraýynda usynylǵan.
