Astana sý arnasy senbilikke arnaıy tehnıkalar bóledi
ASTANA. 19 sáýir. QazAqparat - Ekologııalyq aılyq aıasynda ótetin 20 sáýirdegi Astana qalasynyń aýmaǵyn abattandyrý, kógaldandyrý jáne sanıtarlyq tazalaý jalpyqalalyq senbiligine qalalyq Sý arnasy mekemesiniń qyzmetkerleri belsene qatyspaq.
Bul týraly astana.kz saıtyna «Astana sý arnasy» MKK-dan málim etti.
«Kommýnaldyq senbilikke sý arnasynyń barlyǵy 1000-nan astam qyzmetkeri shyǵady. Aktsııaǵa qatysýǵa kómekke mamandandyrylǵan arnaıy tehnıkalar, atap aıtqanda: 12 KamAZ, 6 tıeý mashınasy jáne 6 traktor bólinedi», - dep habarlaıdy kásiporynnan.
Senbilik kezinde «Astana sý arnasy» MKK qyzmetkerleri Abaı dańǵyly, Tsıolkovskıı, Kenesary jáne M. Lomonosov kósheleriniń boıyndaǵy kúl-qoqystardy tazalap, sypyrýdy josparlaýda.
Qalalyq sý arnasy kásipornynyń qyzmetkerleri ekologııalyq senbilikke únemi belsene qatysatyndyǵyn atap aıtqan jón. Ol ózderi turyp, jumys isteıtin aýmaqtyń ınjenerlik kommýnıkatsııalaryn, kárizderin turaqty baqylaýda ustap, jınalyp qalǵan qoqystardy júıeli túrde tazalap otyrady.
