«Astana Sý arnasy» keı úılerde sýdyń toqtap qalý sebebin túsindirdi
NUR-SULTAN. QazAqparat - Turan-Syǵanaq kósheleriniń qıylysynda sý qubyry jaryldy. «Astana Sý arnasy» mekemesiniń málimetinshe, elordadaǵy keı úılerde sýdyń toqtap qalýyna osy jaǵdaı sebep bolǵan, dep habarlaıdy QazAqparat tilshisi.
«Qubyr búgin saǵat 05.40 shamasynda jaryldy. Apattyq brıgada oqıǵa ornyna saǵat 06.15-te jetti. Naqtyraq aıtqanda, qubyr jelisiniń dánekerlengen bóligi ajyrap ketken. Saǵat 10.30-da sý bógeldi. Qazirgi ýaqytta sý júıesin tezirek qalpyna keltirý jumystary júrgizilip jatyr», - dep habarlady «Astana Sý arnasy» mekemesinen.
Vedomstvonyń habarlaýynsha, jumysty tolyǵymen saǵat 20.00-de aıaqtaý josparlanǵan.
Búgin úıdi-úıge arnaıy kólik jiberilip, aýyz sý taratylǵan. Atap aıtqanda, aýyz sý taratýshy kólikter E-10 kóshesin, Zelenyı kvartal TK-da, E-30, E-16, Omarov kóshelerinde bolǵan.
«Sý tasyp júrgen kólikterdi kóp adam kórmeı qalýy múmkin. Sebebi, vodovozdar sýdy toltyryp alý úshin ary-beri jıi qatynaıdy. Aýyz sý toltyryp alatyn stantsııa Tilendıev pen Kúıshi Dına kósheleriniń qıylysynda ornalasqan», - delingen «Astana Sý arnasy» habarlamasynda.
