«Astana sý arnasy» kásipornynda arnaıy tehnıkaǵa tekserý júrgizildi
Bul týraly kásiporynnyń baspasóz qyzmetinen habarlady.
Mekemeniń mundaı keshendi tekserýler júrgizýde tájirıbesi mol. Tekserýge aǵymdaǵy apattardy joıý úshin paıdalanylatyn aldyńǵy qatarly tehnıkalar usynyldy. Kásiporynnyń jóndeý bólimsheleri jabdyqtalǵan arnaıy tehnıkanyń múmkindikteri, shaǵyn mehanıkalandyrý men telemetrııanyń quraldary naǵyz paradty eske túsirgendeı boldy.
Kásiporynnyń basshylyǵy tehnıkany, onyń jumys jaǵdaıyn, júrgizýshilerdiń jáne jumysshylar brıgadasynyń kásipqoılyǵyn muqııat tekserdi. Ýálıhan Dosaev kásiporynnyń jumysshylaryna aǵymdaǵy jumysty joǵary deńgeıde júrgizýdiń mańyzdylyǵyn eskertti. Aýyr júk tehnıkalaryna erekshe nazar aýdarý qajet. Jelilerge jańa zamanaýı tehnıkanyń kómeginsiz sapaly qyzmet kórsetý múmkin emes. Búgingi tańda kompanııa arnaıy tehnıkanyń alýan túrlerin paıdalanýda, olar únemi jańartylyp otyrylady.
- Aldyńǵy qatarly tehnıkalardy ıgerý - qala úshin eń mańyzdy qadam. Bul apattyq jaǵdaılardy joıý merzimin qysqartyp, jelilerge sapaly qyzmet kórsetýge múmkin beretin bolady. Al ınvestıtsııalyq baǵdarlamanyń odan ári damýy keleshekte sýmen qamtamasyzdandyrý jáne kárizdendirý boıynsha qyzmet kórsetý sapasyn aıtarlyqtaı jaqsartýǵa jáne qalanyń ekologııalyq qaýipsizdigin arttyrýǵa jaǵdaı jasaıdy. Qoryta kelgende, bul Astana qalasynyń barlyq turǵyndary ómiriniń sapasyna jaqsy jaǵynan áser etedi, - «Astana sý arnasy» MKK bas dırektory Ýálıhan Dosaev tehnıkany qarap tekserý barysynda.
- Astanalyq sý arnasy shetel óndirisindegi arnaıy tehnıkasynyń barlyq túrlerimen qamtamasyz etilgen. Biz táýliktiń kez kelgen ýaqytynda, tolyqtaı avtonomdy túrde jumys jasaı otyryp, máselen, elektr energııasy bolmaǵan jaǵdaıda da apatty joıa alamyz. Bizdiń mamandar qubyrlardaǵy zaqymdardy qysymmen, ıaǵnı tutynýshyny ajyratpaı-aq joıady. Bul - óte jaqsy kórsetkish, - dedi bas dırektordyń birinshi orynbasary A.Eljasov.
Kásiporyn mamandary túrli aýa raıy jaǵdaılarynda kez kelgen jaǵdaılardy oryndaýǵa daıyn. Buǵan qarap tekserý sońynda jınalǵandardyń barlyǵy jumysshylar brıgadasy oqý apatyn jyldam joıǵandyǵyn kórý arqyly kóz jetkize aldy. Kásiporyn qyzmetkerleri Astana qalasy turǵyndaryna kúndelikti toqtaýsyz qyzmet kórsete otyryp, naqty jaǵdaılarda da óz kásipqoılyǵyn arttyra túsýde.
