«Astana sý arnasy» ǵımaratynyń aldynda graffıtı-sýret paıda boldy
ASTANA. QazAqparat - Graffıtı-sýrettiń saltanatty ashylýy kásiporynnyń qurylǵan kúnimen oraılastyryldy. 2017 jyldyń 10 shildesinde «Astana sý arnasyna» 58 jyl toldy.
Ujymǵa bul syılyqty «Astana sý arnasy» MQK basshysy Tabıǵat Zeınolqabden jasady, dep habarlady kompanııada.
Graffıtı-sýret kompanııaǵa tıesili ǵımarattardyń biriniń aldyńǵy jaǵynda ornalasqan. Qabyrǵada sý ótkizý kranynan tamyp jatqan sý tamshysy beınelengen. Bul sýret barlyq tutynýshylardy tabıǵı resýrsty únemdeýge shaqyrady.
Kartınanyń avtory - skýlptor-sýretshi Asylbek Mamyrbaev aýa raıynyń qolaısyzdyǵyna qaramastan kartınany ýaqytyly bitirgenin tilge tıek etti. Endi qala qonaqtary men turǵyndary graffıtıdiń fonynda selfı jasaı alady.
