Astana stýdentteriniń ónertabysy RF «Skolkovo» ǵalymdaryn qyzyqtyrdy
ASTANA. QazAqparat - Astana ákiminiń grantyn ıelengen, hakaton jeńimpazdary «Skolkovoda» bolyp qaıtty, dep habarlaıdy elorda ákimdiginiń resmı saıty.
Astanalyq stýdentterdiń «Astana LRT»-niń aıaldamalarynyń onlaın kartasyna baılanysty jasaǵan My Stop Bus jobasy tıimdiligin kórsetip otyr. Buryndary bir aıaldamanyń karta-shemasyn jasaýǵa eki saǵattaı ýaqyt ketken bolsa, stýdentterdiń osy ónertabysyn engizgeli 10 sekýndta jasaýǵa múmkindik aldy.
«Bylaısha aıtqanda bar júıe avtomattandyrylǵan. Biz Astananyń qoǵamdyq kólik, onyń qozǵalys baǵytyn, aıaldamasyn, ataýyn ashyq alyp otyrmyz. Bar aqparat avtomatty túrde oqylyp, sol mezette shemasy jasalady. ıAǵnı buryn bir kartany jasaý úshin dızaınerlerdiń eki saǵattaı ýaqyty ketse, qazir kompıýterde 10 sekýndqa jetpeı jasalady», dedi joba avtorlarynyń biri Mahmýd Galy.
L. Gýmılev atyndaǵy Ulttyq ýnıversıtettiń stýdentteri jasap shyqqan jańalyq elordada jýyqta engizetin bolady. Bul joba Astanany aqyldy qala etý tujyrymdamasyna arnalǵan Astana Innovatoins Challenge 2018-ge usynylǵan ondaǵan jumystyń ishinen tańdalǵan. Joba avtorlary - Mahmýd Galy, Meıirhan Eseev jáne Shaǵy Lesbek Astana ákimniń arnaıy grantyn ıelenip otyr.
«Joba negizi óte tartymdy. Biz bul jobamen Reseı qalalarynyń ákimshiligin tanystyramyz. Eger joba olarǵa unap jatsa ol jaqqa da engizemiz. Bul joba iri qalalardyń qoǵamdyq kólik qatynasynyń aldynda turǵan meselelerge jaýap beredi. Óte qyzyqty jáne erekshe», dep atap ótti «Skolkovo» ortalyǵynyń jergilikti damý ortalyǵynyń jetekshisi Aleksandr Okýnev.
Aıta keteıik, áleýmettik jobalarǵa arnalǵan startap-marafondar qurastyrýshylar arasynda óte joǵary qyzyǵýshylyq týdyryp otyr. Bul istiń uıymdastyrýshysy Astana ákimdigi jáne «Astana Innovations» AQ.
