Astana stýdentteri «Daýys ber! Jasqanba!» sharasyn ótkizdi

Shara osydan bir aı buryn jarııalanǵan kezekten tys prezıdenttik saılaýdy qoldaýǵa arnalǵan «Meniń daýsym alǵashqy! Meniń daýsym mańyzdy!» atty jastar aktsııasy aıasynda uıymdastyryldy.

Aktsııa, bastamashylardyń aıtýynsha, 18 jasqa tolǵan jáne saılaýǵa birinshi ret qatysqaly otyrǵan barlyq azamattardy saılaýǵa qatysýǵa, jastardy óz bolashaǵyna degen nemquraıdylyqqa jol bermeýge jáne memleketiniń patrıoty bolýǵa úndeıdi.

Shara uıymdastyrýshylary saılaý kezinde jastardyń belsendiligin arttyrý maqsatynda keshendi sharalar oılastyryp qoıǵan.

«Aktsııa kezinde biz jastarǵa baǵyttalǵan erekshe sharalar jasadyq. Nasıhattyq jumys aıasynda «muz shoýy», flesh-mob sharalary jáne elordadaǵy túngi klýbtardyń birinde «Saılaý pattı» uıymdastyryldy. Stýdentter arasynda úlken qyzyǵýshylyqqa ıe bolǵan «ınkaýnter» oıyny ótkizildi. Qazirgi tańda bul bastamany respýblıkanyń iri joǵarǵy oqý oryndary: Pavlodar gýmanıtarlyq ýnıversıteti, Qazaqstan-Brıtan ýnıversıteti, QazUÝ, Soltústik Qazaqstan gýmanıtarlyq ýnıversıteti qoldaý bildirdi», - dedi sharanyń belsendi múshesi Sandýǵash Boranbekova.