«Astana» stantsııasynda QTJ qyzmetkeri qaza tapty
ASTANA.KAZINFORM — «Qazaqstan temir joly» ulttyq kompanııasy «Astana» qosalqy stantsııasynda qyzmetkerdiń qaza tapqanyn rastady. Kompanııa ókilderiniń málimetinshe, jazataıym oqıǵaǵa baılanysty tergeý júrgizilip jatyr.
Áleýmettik jelilerde «Astana» stantsııasynda qyzmetkerdiń qaza tapqany týraly aqparat taraǵan. Málimetke sáıkes, marqum elektromehanık bolyp jumys istegen.
«Qazaqstan temir joly» kompanııasynyń málimetinshe, jazataıym oqıǵa 14 maýsym kúni bolǵan.
— Jazataıym oqıǵa faktisi boıynsha belgilengen tártipke sáıkes tergeý júrgizilip jatyr. Oqıǵanyń mán-jaıy men sebepteri komıssııa jumysynyń qorytyndysy boıynsha anyqtalady. «QTJ» UK AQ tergeý júrgizýge qajetti qoldaý kórsetip, qaza tapqan qyzmetkerdiń týǵan-týystary men jaqyndaryna kóńil aıtady, — dep habarlady QTJ-nyń baspasóz qyzmeti.
Aıta keteıik, byltyr temirjolda 44 adamdy poıyz basyp, onyń 27-si qaza tapqan.
