Astana sportshylary jyl basynan 4 myńnan astam medal jeńip alǵan
ASTANA. QazAqparat – Astana qalasy Dene shynyqtyrý jáne sport basqarmasynyń basshysy Samat Jylqybaev elordalyq sportshylardyń jetistikteri jaıynda aıtyp berdi, dep habarlaıdy QazAqparat tilshisi.
«2023 jyldyń birinshi jartyjyldyǵynda Astana quramasynyń sportshylary 4 myńnan astam medal jeńip aldy. Tek Qazaqstan chempıonattarynda elordalyq sportshylar 3 000 júldeli oryn alyp, respýblıkalyq deńgeıdegi birinshilikterde 2 873 medal, halyqaralyq jarystarda 472 medal ıelendi», - dedi S. Jylqybaev Astana qalasy kommýnıkatsııalar qyzmetindegi baspasóz máslıhatynda.
Bıylǵy jyldyń jarqyn sporttyq jetistikteriniń qatarynda boksshylardyń álem chempıonatyndaǵy aıtýly jeńisin, erkin jáne áıelder kúresinen Azııa chempıonatynda jetistikti, sondaı-aq áıelder arasyndaǵy bokstan álem birinshiliginde ekinshi jáne úshinshi oryndy jeńip alý oqıǵalaryn aıtýǵa bolady. Elorda sportshylarynyń pankratıonnan álem birinshiliginde jáne jasóspirimder arasyndaǵy MMA aralas jekpe-jekten álem chempıonatynda óner kórsetýi sátti boldy.
Samat Jylqybaevtyń aıtýynsha, jyldyń birinshi jartysy parasportshylardyń jarqyn jetistigimen este qalǵan. Tokıo qalasyndaǵy halyqaralyq jarysta jerlesterimiz tórt medal qanjyǵalap, Italııada ótetin álem birinshiligine joldama aldy. Dúbirli dodaǵa 18 eldiń sportshylary qatysty. Dzıýdodan Qazaqstannyń erler jáne áıelder quramalary Azııa chempıonatynyń jeńimpazdary atandy.
