«Astana» sportshylary velokomandany tanystyrý úshin elordaǵa keldi
ASTANA. QazAqparat - Búgin tańerteń erte elorda áýejaıyna Prezıdent klýbynyń quramyna kiretin «Astana» kásibı velokomandasynyń sportshylary mingen reıs kelip qondy, dep jazdy Sports.kz.
Búgin keshke ótetin jańa maýsymnyń tanystyrylymyna qatysý úshin Qazaqstanǵa «Astana» tolyq quramda keldi. Sapar barysynda jarysqa qatysýshylar balalar úıine barady, elordalyq sport mektepteriniń biriniń tárbıelenýshilerimen kezdesedi. Velokomandany tanystyrý eldiń sporttyq ómirindegi mańyzdy oqıǵa bolyp tabylady.
Atap ótsek, ótken maýsymda «Astana» sportshylary joǵary deńgeıdegi halyqaralyq jarysta, onyń ishinde «Djıro d'Italııa» sýpervelokópkúndikte 34 ret tabysyn merekeledi.
FOTO: sports.kz, vesti.kz
