Astana sportshylary taý velosıpedi jarysynda úzdik shyqty
ASTANA. 22 sáýir. QazAqparat - Maýntınbaıkten Taldyqorǵan qalasynda ótken ІІІ jastar oıynynda elordalyq velosıpedshiler komandasy jalpykomandalyq birinshi oryndy ıelendi.
Bul týraly astana.kz saıtyna qalalyq Týrızm, dene tárbıesi jáne sport basqarmasynan málim etti.
«Týrnırdiń qorytyndysy boıynsha astanalyqtar eki altyn, bir kúmis jáne bir qola medaldiń ıesi atandy. Jarysqa Astana, Almaty qalalary men Jambyl, Qaraǵandy, Pavlodar, Almaty, Soltústik Qazaqstan, Shyǵys Qazaqstan jáne Ońtústik Qazaqstan oblystarynan, barlyǵy toǵyz komanda qatysty», - delingen habarlamada.
Elordalyq №6 ORMBJSM tárbıelenýshisi Sultan Nııazov birden eki sanat boıynsha: kross-kantrı elımınator (basyp ozý jarysy) jáne kross-kantrı krıterıýmda birinshi orynǵa shyqty. Taǵy bir júldeli oryndy elordalyq №6 ORMBJSM tárbıelenýshisi Vladıslav Fılıpovıch aldy. Oǵan bul jarysta qola medal buıyrdy.
Kross-kantrı olımpık jarysynda ekinshi oryn taǵy da astanalyq veloshabandoz Sultan Nııazovtiń enshisinde.
Upaı sany boıynsha Astana komandasy (169 upaı) birinshi orynǵa kóterildi. Bul sportshylar úshin de, jattyqtyrýshylar úshin de úlken jetistik, dep sanaıdy basqarmadan. Ekinshi orynǵa 15 upaı keıin qalǵan Almaty oblysy taban tirese, úshinshi oryn 78 upaımen Soltústik Qazaqstan oblysynyń enshisine tıdi.
Endi sportshylardyń aldynda taǵy da bir mańyzdy báseke tur. Atap aıtqanda, 23-28 mamyr kúnderi aralyǵynda «Saryarqa» velotreginde Jastar oıyny aıasynda trektegi velojarys ótedi.
