Astananyń sportshylary 9 aıda 5,7 myńǵa jýyq medal jeńip aldy
ASTANA. KAZINFORM — Jyldyń basynan beri Astana sportshylary respýblıkalyq jáne halyqaralyq deńgeıdegi 1 472 jarysqa qatysyp, 5 696 medal jeńip alǵan. Onyń ishinde 2 149 altyn, 1 803 kúmis jáne 1 744 qola júlde bar. Bul týraly Astana óqalasynyń ákimdigi málim etti.
Boks, kúres, sý doby, semserlesý, stend jáne oq atý, jeńil atletıka, baıdarka men kanoede esý, gımnastıka, velosport, trıatlon, sambo, taekvondo, shahmat, short-trek jáne basqa da sport túrlerinen aıtarlyqtaı jetistikter bar.
Azııa jáne álem chempıonattaryndaǵy nátıjelerdiń orny erekshe. Bıyl elordalyq sportshylar sporttyń 12 túrinen ótken 15 Azııa chempıonatyna qatysyp, 23 medal ıelendi. Onyń toǵyzy — altyn, segizi — kúmis, altaýy — qola.
Al sporttyń 11 túrinen ótken 12 álem chempıonatynda Astana ókilderi taǵy 23 júldege qol jetkizdi. Onyń ishinde 10 altyn, 8 kúmis jáne 5 qola medal bar.
Parasport ókilderi de joǵary nátıjeler kórsetti. Astana quramasynyń sportshylary sporttyń 9 túrinen ótken 9 Azııa chempıonatyna qatysyp, 32 medal jeńip aldy. Onyń 16-sy — altyn, 12-si — kúmis, 4-eýi — qola.
Budan bólek, sporttyń 6 túrinen ótken 6 álem chempıonatynda elordalyq parasportshylar 14 medal ıelendi. Onyń ishinde 2 altyn, 6 kúmis jáne 6 qola júlde bar.
2026 jylǵy qarashada elordalyq parasportshylar parastol tennısi, armrestlıng jáne paýerlıftıngten ótetin taǵy úsh álem chempıonatyna qatysýdy josparlap otyr.
Eske sala keteıik, buǵan deıin Qazaqstan balýandary kúresten álem chempıonatyn bes medalmen qorytyndylaǵanyn jazdyq.