«Astana»-«Sportıng» matchy kezinde elordada júk kólikteri qozǵalysyna shekteý qoıylady
ASTANA. QazAqparat - «Astana» men portýgaldyq «Sportıng» fýtbol klýbtary arasyndaǵy match ótetin kúni elordada júk kólikteri qozǵalysyna shekteý qoıylady, dep habarlaıdy «QazAqparat» HAA Astana qalasynyń ІІD silteme jasap.
Vedomstvonyń málimdeýinshe, Turan jáne Qabanbaı dańǵyldarynda 15 aqpan kúni saǵat 21.00 men 00.00 aralyǵynda júk kólikteriniń qozǵalysyna shekteý qoıylady.
Sonymen qatar, Turan jáne Qabanbaı kósheleriniń boıyna, «Saryarqa» velotregi, «Astana-Arena», «Barys-Arena» jáne «Alaý» sport keshenderine tıesili ýchaskelerge kólik qoıýǵa tyıym salynatyny habarlandy.
ІІD Ákimshilik polıtsııa basqarmasy, Jolaýshylar kóligi basqarmasy men «Astana LRT» JShS birlese otyryp jankúıerlerdi «Astana-Arena» stadıonyna jetkizý jáne jınaý maqsatynda tórt arnaıy núkte uıymdastyrady. Olar: «Qazaqstan» SK, Astana qalasynyń tsırki, «Jastar» saraıy jáne «Nur-Astana» meshitiniń avtoturaǵy.
Jankúıerlerdi úılerine jetkizý jumystary da osy avtobýstar arqyly jáne Qabanbaı batyr dańǵylyndaǵy baǵdarlyq avtobýstarmen júzege asyrylmaq. Qoǵamdyq kólikke stadıonnyń ońtústik-shyǵys jaǵynan otyrýǵa bolady.
«Stadıon mańyndaǵy kóshelerde kólik aǵynynyń ulǵaıatynyna baılanysty, matchty tamashalaýǵa kelgen júrgizýshilerge Qabanbaı batyr jáne Turan dańǵyldary boıyndaǵy qozǵalystaryn aldyn ala josparlap alýdy usynamyz. «Astana-Arena» stadıonynyń kólik turaǵynda oryn bolmaǵan jaǵdaıda «Alaý» (Qabanbaı batyr jaǵynan), «Barys Arenaǵa» (Turan jaǵynan) kólik qoıýǵa bolady. Sonymen birge qaýipsizdik maqsatynda Turan kóshesinen ótetin ýaqytsha jaıaý ótkel uıymdastyrylady», - dep habarlaıdy ІІD.
Esterińizge sala keteıik, «Sportıng» klýby «Astananyń» Eýropa Lıgasynyń pleı-off kezeńindegi qarsylasy bolyp sanalady. Komandalar 15 aqpanda Qazaqstanda, 22 aqpanda Portýgalııa astanasy Lıssabonda kezdesedi.
