Astana - Sportıng fýtbol matchyna arnaıy avtobýstar qatynaıdy
ASTANA. QazAqparat - Elordada ótetin Astana - Sportıng fýtbol matchyna arnaıy «Shuttle-Bus» avtobýstary bólinedi, dep habarlaıdy QazAqparat tilshisi «Astana LRT» kompanııasyna silteme jasap.
«2018 jyly 15 aqpanda «Astana» - «Sportıng» («Astana-Arena» stadıony) fýtbol matchynyń ótýine baılanysty qalada arnaıy «Shuttle-Bus» avtobýstarynyń jumysy uıymdastyrylady», - dep habarlady Astana LRT áleýmettik jelidegi resmı paraqshasynda.
«Astana-Arena» stadıonyna baratyn avtobýstar keshki saǵat 20:00-21:00 aralyǵynda tómendegi avtoturaqtarǵa keledi:
• «Qazaqstan» sport kesheni;
• «Nur Astana» meshiti;
• «Jastar» saraıy;
• «Astanalyq tsırk».
Arnaıy «Shuttle-Bus» avtobýstaryndaǵy jol júrý aqysy qoǵamdyq kólikterdegideı 90 teńge.
Eske sala ketsek, portýgalııalyq «Sportıng» klýby «Astananyń» Eýropa Lıgasynyń pleı-off kezeńindegi qarsylasy sanalady. Komandalar 15 aqpanda Qazaqstanda, 22 aqpanda - Portýgalııa astanasy Lıssabonda kezdesedi.
Match ótetin kúni Astananyń Turan jáne Qabanbaı dańǵyldarynda saǵat 21.00 men 00.00 aralyǵynda júk kólikteriniń qozǵalysyna shekteý qoıylady.
Sonymen qatar, Turan jáne Qabanbaı kósheleriniń boıyna, «Saryarqa» velotregi, «Astana-Arena», «Barys-Arena» jáne «Alaý» sport keshenderine tıesili ýchaskelerge kólik qoıýǵa tyıym salynatyny habarlandy.
