Astana soty jańbyr sýy jaıylyp ketken kóshede qaıyqpen júzgenderdi aqtady
ASTANA. QazAqparat - Astana qalasynyń soty nóser jańbyrdan keıin jaıylma sý basyp ketken kóshede qaıyqpen júzgen turǵyndarǵa salynǵan aıyppuldy alyp tastady, dep habarlaıdy QazAqparat tilshisi.
Bul aqparatty Astana qalalyq sotynyń baspasóz qyzmeti rastady.
«Bizdiń shaǵymymyz boıynsha Astana qalasynyń soty sý basqan kóshede qaıyqpen júzgenderge salynǵan aıyppul qaýlysynyń kúshin joıdy. 11 qyrkúıek kúni qala prokýrorynyń orynbasary qaýlyǵa apellıatsııalyq ótinim túsiripti. Dmırıı men Jandosty quttyqtaımyz», - dep jazdy zańger Sergeı Sızıntsev áleýmettik jelidegi paraqshasynda.
Aıta keteıik, 20 tamyz kúni elordada tolassyz jaýǵan nóserden qala kóshelerin sý basty.
Jaıylma sý basqan kóshelerde eki jigit úrlemeli qaıyqpen júzgen. Bul áreketti Astana qalalyq ІІD usaq buzaqylyq dep baǵalap, Ákimshilik quqyq buzýshylyqtar týraly kodekstiń 434-babyna sáıkes hattama toltyrǵan jáne Astananyń arnaıy mamandandyrylǵan aýdanaralyq ákimshilik soty olardyń árqaısysyna 5 AEK (12 myń 025 teńge) aıyppul salǵan bolatyn.
