Astana soty burynǵy qarjy vıtse-mınıstriniń bostandyqqa shyǵýyna qatysty túsinik berdi
«2021 jyldyń jeltoqsan aıynda apellıatsııa burynǵy qarjy vıtse-mınıstriniń isine qatysty úkimdi qaıta qarady. Buqaralyq aqparat quraldarynda burynǵy vıtse-mınıstrdiń sot úkimi shyqqan soń 2,5 aıdan keıin bostandyqqa shyqqandyǵy týraly aqparat jarııalandy. Eske sala ketsek, Nur-sultan qalasy Esil aýdanynyń №2 aýdandyq sotynyń 2021 jylǵy 23 qyrkúıektegi úkimimen Eńsebaev pen Eskendirov para alǵany úshin kináli dep tanylyp (QR QK-niń 366-baby 2-bóligi) 4 jylǵa bas bostandyǵynan aıyryldy», - delingen habarlamada.
Elordanyń soty usynǵan aqparatqa sáıkes, úkimmen kelispegen Eńsebaev aıyppuldy tóleý múmkindigi týraly dálel keltirgen.
«Sottalǵan Eńsebaevtyń isi QR QK-niń 366-baby 2-bóligi boıynsha alǵan parany 50 nemese 60 eselengen soma mólsherinde aıyppul túrinde qaıtarýǵa nemese 3 jyldan 7 jylǵa deıingi merzimde bas bostandyǵynan aıyrýdy kózdeıdi», - deıdi astana sotynan.
Astana sotynyń habarlamasynda aıtylǵandaı, 2021 jyldyń 13 jeltoqsanynda alqa mán-jaıdy eskere otyryp, Eńsebaevqa qatysty birinshi satydaǵy úkimdi ózgertip, bas bostandyǵynan aıyrý jazasyn alǵan paranyń 55 eselengen somasy mólsherinde, ıaǵnı QR QK-niń 366-babynyń 2-bóligine sáıkes 66 000 000 teńge somasyndaǵy aıyppulǵa aýystyrdy.
Astana qalalyq sotynyń habarlaýynsha, joǵaryda qabyldanǵan sheshimge qatysty eshkim qarsylyq tanytpaǵan. Osylaısha sottalýshy taǵaıyndalǵan aıyppuldy tólegennen keıin bostandyqqa jiberildi.
Eske sala ketsek, byltyr qyrkúıekte burynǵy qarjy vıtse-mınıstri Rýslan Eńsebaev tórt jylǵa sottalǵan edi.
Sondaı-aq, sot sheshimimen burynǵy vıtse-mınıstrdiń atyna qoıylǵan kepildeme qaıtaryldy.
