Astana soty atyshýly toı kortejiniń júrgizýshilerin jazalady
ASTANA. QazAqparat - Atyshýly toı kortejiniń júrgizýshilerine jaza taǵaıyndaldy.
«Astana qalasynyń aýdanaralyq mamandandyrylǵan soty Astana qalasynyń ortalyq kósheleriniń birinde jolda júrý erejelerin buzǵan toı kortejiniń tórt júrgizýshisine qatysty isti qarastyrdy.
Sot qaýlysymen Ramazantegi M., Ábıev T., Máýlenov S., Ahmetov Q. joldyń qarsy jolaǵyna shyqqanyna kináli dep tanyldy. Olar bir jylǵa kólik júrgizý quqyǵynan aıyryldy (QR ÁK 596-baby 3-bólimi).
Sondaı-aq sot aıyptalýshy Ramazantegi M-ge kólik quralynda ruqsatsyz arnaıy jaryq pen dybys qurylǵysyn ornatqany úshin 25 AEK kóleminde aıyppul salyndy (QR ÁK 603-baby 2-bólimi). Jabdyq tárkilendi», - dep habarlady sottyń baspasóz qyzmetinde.
Eske sala keteıik, 28 qyrkúıekte Astanada jolda júrý erejesin buzǵan toı kortejine qatysýshylardyń ustalǵany jaıynda belgili boldy. Toı korteji D. Qonaev kóshesiniń boıymen Saryarqa dańǵyly jaǵyna bet alǵan.
