Astana sottary 100 paıyzǵa dybystyq jáne beıne jazbamen jabdyqtaldy
ASTANA. QazAqparat - Búginde elorda sottary 100 paıyzǵa dybystyq jáne beıne jazbamen jabdyqtalǵan. Bul týraly búgin Ortalyq kommýnıkatsııalar qyzmetindegi baspasóz máslıhatynda Astana qalalyq sotynyń sýdıasy Saıran Álimbaeva málim etti.
2016 jyldyń 1 qańtarynan bastap barlyq sot úrdisterin dybystyq jáne beıne jazyp otyrý tártibi engizildi. Qajetti jabdyqtar qalanyń barsha sot zaldarynda ornatyldy. Sýdıa jazbany toqtata nemese úze almaıdy, ıaǵnı kameralar avtomatty túrde iske qosylady. Eger de qandaı da bir sebeppen sýdıa nemese hatshy jazbany toqtatatyn bolsa, onda jaýapkershilikke tartylatyn bolady»,- dedi ol.
Onyń sózine qaraǵanda, tártipti saqtaý maqsatynda turaqty túrde qyzmettik tekserý júrgiziledi.
«Bul turǵydaǵy qadamdar sottyń júrgizý úrdisteriniń ashyqtyǵyn qamtamasyz etýge negizdelgen. Sonymen qatar, is boıynsha keıbir mán-jaılar umytylyp qalýy múmkin, al beınetaspa arqyly sot otyrysynan keıin qajetti derekterdi tekserýge bolady», - dedi sýdıa. 
