Astana Sırııa kelissózderine qatysýshylar arasynda senim deńgeıin týǵyzdy - reseılik sarapshy
«QazAqparat» HAA-nyń Máskeýdegi menshikti tilshisimen pikir bólisken reseılik sarapshy, Aımaqtyq problemalar ınstıtýtynyń dırektory Dmıtrıı Jýravlev osylaı málim etti.
«Astanadaǵy Sırııa kelissózderi biz kútken dúnıelerdi bere alǵan joq, sebebi biz beıbitshiliktiń ornaǵanyn qaladyq. Degenmen, olar qoldan keler múmkindikten de joǵarysyn berdi, sebebi, túrli qatysýshylardy kelissózder ústeline jınaı aldy», - degen sarapshy kelissózderdiń jaǵymdy tustaryn atap ótti.
«Birinshiden, keıbir abstraktili oppozıtsııa ókilderine óz ókilettikterin anyqtaýǵa múmkindik berildi. Ekinshiden, kimniń kimmen sóılesip otyrǵany anyqtalǵan soń, dıalog paıda boldy», - dep túsindirdi D.Jýravlev.
«Iá, barlyǵy ymyraǵa kelip, «DAISh» pen «Djebhat an-Nýsraǵa» qarsy maıdan ashqan joq. Degenmen, bul mindet qoıyldy. Oppozıtsııa men bılik ýltraradıkaldarǵa birge qarsy turady», - dep tolyqtyrǵan ol, bul ıdeıany AQSh ta qoldap otyrǵanyn aıtty.
