Astana Silk Way Star-dyń grand fınalyna daıyndalyp jatyr
ASTANA.KAZINEORM - Azııanyń alǵashqy vokaldyq mega-jobasy Silk Way Star fınalısteri Astanadaǵy sońǵy sheshýshi kezeńge daıyndalyp jatyr, dep habarlaıdy Kazinform.
Joba sahnasy men sahna artyndaǵy daıyndyq qyzý júrip jatyr.
Sheshýshi kezeńde malaızııalyq ánshi ıAzmın Azız, Ózbekstannan Madınaboný Adylova, Mońǵolııadan Mıshel Djozef, grýzın fınalısi Avtandıl Abeslamıdze, Qazaqstannan ALEM, armıan fınalısi Saro Gevorgıan jáne Qytaıdan Chjan He Sýan óner kórsetedi.
Fınalǵa shyǵýshylar qazaqstandyq mamandardan turatyn komandamen jumys istep jatyr: vokalshylar, horeograftar jáne stılıstter.
Fınalısterdi otbasylary belsendi túrde qoldaıdy. ıAzmın Azızdiń ata-anasy men jigiti Astanadaǵy jobany baqylap otyr. Qazaqstandyq ánshi ALEM-di óner kórsetý kezinde áıeli qoldaıdy. Madınaboný Adylovanyń anasy qoldaý kórsetýde. Otbasy músheleriniń qoldaýy qatysýshylarǵa fınaldyq báseke aldynda qosymsha senimdilik beredi.
«Silk Way Star» jobasynyń sońǵy epızody 22 qarashada ótedi jáne saǵat 20:00-de Jibek Joly telearnasynda tikeleı efırde kórsetiledi. Bir mezgilde habar taratý Qazaqstanda, Ázerbaıjanda, Tájikstanda, Qyrǵyzstanda jáne Mońǵolııada ótedi.
Birinshi azııalyq vokaldyq mega-jobanyń jeńimpazy aralas júıe boıynsha anyqtalady: 50% qazylar alqasy jáne 50% onlaın kórermenderdiń daýys berýi arqyly.
Siz ózińizdiń súıikti ánshińizdi silkwaystar.org veb-saıtynda qoldaı alasyz.
«Silk Way Star» Ortalyq Azııadaǵy alǵashqy vokaldyq joba boldy, oǵan 12 elden: Ázerbaıjan, Armenııa, Grýzııa, Qazaqstan, Qytaı, Qyrǵyzstan, Malaızııa, Mońǵolııa, Tájikstan, Túrikmenstan, Ózbekstan jáne Ońtústik Koreıadan kelgen ártister qatysty. Qatysýshylar arasynda halyqaralyq baıqaýlardyń jeńimpazdary, tanymal ártister jáne tıisti mýzykalyq mektepterdiń kórnekti ókilderi bar. Joba Qazaqstan Respýblıkasy Prezıdentiniń Teleradıokesheni men China Media Group (CMG) arasyndaǵy kelisim aıasynda júzege asyryldy.
Aıta keteıik, Silk Way Star eýropalyq sarapshylardy joǵary kásibıligimen tańǵaldyrdy.