Astana-Shymkent arasynda qatynaıtyn Talgo poıyzy bir kúnge toqtaıdy

ASTANA. QazAqparat - «Jolaýshylar tasymaly» AQ Astana – Shymkent qatynasyndaǵy Talgo vagondarymen jasaqtalǵan №86/85 jolaýshylar poıyzynyń júrýin 1 reıske toqtatatynyn málimdedi, dep habarlaıdy QazAqparat.

Vedomstvo taratqan derekterge qaraǵanda, 8 jeltoqsan kúni Astanadan, 9 jeltoqsan kúni Shymkentten shyǵatyn poıyz júrmeıdi.

«Toqtatylǵan poıyzdyń ornyna standartty vagondardan turatyn №511/512 bir rettik poıyzy jolǵa shyǵady.

Jol júrýden bas tartqan jolaýshylarǵa jol júrý qunyn tolyq qaıtarý júrgiziledi. Standartty vagondardan turatyn poıyzda saparlaǵan jolaýshylarǵa jol júrý qunynyń aıyrmasy tólenetin bolady», - dep jazdy «Jolaýshylar tasymaly» AQ.

Ulttyq tasymaldaýshy kompanııa jolaýshylardan qolaısyzdyqtar úshin keshirim suraǵan.