Astana-Şýche jolyndaǵy 97 kólik apatyna kináliler anyqtalǵan joq
ASTANA. KAZINFORM – Osy jyldyń qańtarynda Astana-Şýche jolynda oryn alǵan 97 kólik apatyna kináliler anyqtalǵan joq. Bul týraly Úkimet úıinde ótip jatqan baspasóz máslıhatynda «QazAvtoJol» UK» AQ basqarma tóraǵasy Darhan Imanashev aıtty.
— Eger «Astana-Şýche» jolynda 3 qańtarda oryn alǵan oqıǵa jaıynda aıtar bolsaq, ol kezde 97 kólik apatqa ushyrady. Atalǵan jol-kólik oqıǵasy boıynsha qylmystyq is qozǵalǵan. Sot protsesi ótip jatyr, kináliler áli anyqtalǵan joq. Aldyn ala aıtqym keledi, jol qyzmeti men jol polıtsııasy qozǵalys qaýipsizdigi úshin qajetti sharanyń bárin iske asyrdy. Degenmen, kameraǵa tirkelgen derekter bar, keıbir jol qozǵalysyna qatysýshy jyldamdyqty asyryp jibergen, — dedi ol.
Onyń atap ótýinshe, «Almaty-Qonaev» tas jolynda shamamen 17 kólik bir mezette jol apatyna ushyraǵan. Ol kezde tuman bolyp, qozǵalys jyldamdyǵyna shekteý engizilgen.
— Onda da jol qozǵalysyna qatysýshylardyń jyldamdyq rejımi asyrý faktisi oryn alǵan. Sondyqtan qazir protsess júrip jatyr. Bizge óndirip alý jáne óteý boıynsha sottan talap túsken joq, — dedi Darhan Imanashev.
Eske sala keteıik, buǵan deıin Astana-Şýche tas jolynda jol apaty bolyp, 40-qa jýyq avtokólik soqtyǵysqanyn jazǵan edik.
Sol kúni tas joldaǵy jappaı kólik apatynda 95-ke jýyq avtokólik zardap shekken edi.