Astana – Shymkent baǵytynda jańa reıster ashylady
ASTANA. KAZINFORM – 12 maýsymnan bastap Air Astana áýe kompanııasy Astana – Shymkent jáne Shymkent – Astana baǵyttary boıynsha jańa turaqty reısterdi iske qosady.
Qala ákimdiginiń málimetinshe, reıster aptasyna úsh ret – juma, senbi jáne jeksenbi kúnderi oryndalady.
Ákimdik ókilderi jańa baǵyttyń ashylýy megapolıstiń kólik qatynasy salasyndaǵy múmkindikterin keńeıtip, turǵyndar men qonaqtar úshin áýe tasymalynyń qoljetimdiligin arttyratynyn atap ótti.
– Qalalar arasyndaǵy áýe qatynasynyń damýy iskerlik, týrıstik jáne óńiraralyq baılanystardy nyǵaıtyp, turǵyndardyń mobıldiligin arttyrýǵa múmkindik beredi, – dep málimdedi Shymkent qalasy ákiminiń baspasóz qyzmeti.
Ákimdik málimetinshe, Memleket basshysy eldegi kólik ınfraqurylymyn damytýǵa, óńirler arasyndaǵy baılanysty kúsheıtýge jáne zamanaýı logıstıkalyq júıe qalyptastyrýǵa erekshe nazar aýdaryp keledi.
Osyǵan baılanysty áýe qatynasyn keńeıtý men kólik qoljetimdiligin arttyrý mańyzdy baǵyttardyń biri retinde qarastyrylyp otyr.
– Jańa áýe baǵyty Shymkenttiń elimizdiń iri kólik, ekonomıkalyq jáne ınvestıtsııalyq ortalyǵy retindegi mártebesin odan ári kúsheıtedi, – dep atap ótti ákimdik.
Aıta keteıik, Air Astana Astana-Qyzylorda baǵytyndaǵy áýe reısin qaıtadan iske qosady.
